المشاركة الأصلية كتبت بواسطة peter magdy
مساء الخير يا استاذ هانى
دايما قافشى كدة 
المشكلة ان المبلغ بالنسبة لى مش صغير و بعدين فى عضو هنا عاملى عقدة من موضوع الحرارة دى
بس حضرتك حلتها و بردو عندة حاجة غريبة محسسانى انة مبسوط بالعيب اللى عندة و مع ناى كتبتلة مشاركتك كاملة و بعتهالة علشان يحلها و يقول عمل اية
و كأنة بردو مش شايف و عمال كل يوم عامل يحكى عن مشكلة جديدة
فلو حضرتك مكانى لازم تردد الف مرة
و على انت انسان محترم جدا و ربنا يباركلك فى عربيتك و تتهنى بيها زى ما انت دايما مطمنى
شكرا |
استاذى العزيز صاحب الموضوع حبيت انقللحضرتك تقرير عن ال byd ،،،
انا كان معاى داوي لانوس 2005 كاملة مانيوال وبتعها سنة 2009 وابن عمى جاب فيرنا موديل 2008 كاملة مانيوال بردو حلوه وجميلة بس مش ثابتة على الطريق زى الانوس بل الفيرنا اخف من الانوس فى الثبات وتكيفها اضعف من الانوس شوية واوطى من الانوس شوية بسيطة فبتحك فى المطبات المهم بعت اللانوس سنة 2011 و قصدى من هذا انى ركبت الفيرنا والانوس وسافرت بيهم وانا شغلى كله سفر مش داخل البلد المهم وجبت بى واى دى كاملة مانيوال وعن تجربة شخصية والله العظيم فى نظرى وفى رأى انا احلى من الفيرنا والانوس من حيث الوسع الثبات الكماليات الشكل وبخصوص قطع الغيارالثلاث سيارات قطع غيرهم متوفرة السيارة ماشية بى لحد دلوقتى 113 الف كيلو مفيش حاجة حصلت فيها غير انى غيرت تيل فرامل خلفى جبتة تيوتا وغيرت جوز مساعدين خلفى بردوتيوتا فقط لا غير واظن من 2011 لحد شهر 9 / 2012 و بعد 113 الف كيلو كويس اوى انى غيرت تيل وجوز مساعدين فقط مع شوارع مصر والمطبات . ولكم جزيل الشكر . اتوكل على الله تعالى وعن تجربة شخصية هات بى واى دى وبخصوص انها صينى حضرتك افتكر اول ما الكورى نزل مصر ايه اتقال عليه كل الناس خافت وقالت كلام كتتتتتتتييييييييير وزمت كتتتتتتييييير فيه وبعد فترة من الزمن كل مصر راكبة كورى وعموما لو حضرتك شيلت كلمة بى واى دى من على العربية وحط كلمة هيونداى الناس هتشكر فيها جدا مع انها نفس العربية للاسف احنا عندنا عقدة الخواجة وعقدة الصينى لان اللى جاب سيارة شيرى لو جيلى الصينى زمان اول ما طلع الصينى سنة 2004 اللى كانت زيرو 35 الف جنية على ما اتذكر وطلعت وحشة تخيل ان كل الصينى وحش لألألألأ ده زيرو كانت ب 35 الف والبى واى دى زيرو ب 73 الف جنية يعنى اغلى من الفيرنا ومن الانوس متجبش موبايل صينى ب 150 جنية زى موبايل صينى بردو بس ب 500 جنية اكيد فى فرق . اسف جدا على الاطالة فى الكلام . والله الموفق .