رد: أرجو المساعدة ضروري بخصوص الساجا
المشكلة إني سير الكاتينة من المواضيع الحساسة الي مابتستحملشي خطأ.
فا سواء كان عيب فينش ولا عيب تركيب أو نقص خبرة ومعرفة فا كله في الآخر يؤدي إلى سكة واحدة.
التوكيل أولى بيك ياباشا وربنا يستر طريقك.
إنتا ممكن تعمل كل الصيانات الي إنتا عايزها برة التوكيل ولاكن سير الكاتينة بلاش وكمان تقدر تعتبر اني الي حصل دا إشارة وستر من ربنا إني المكنة ماضاعتشي الحمد لله.
ربنا يستر عليك وعلينا.
ياراجل دا لما غيرت سير التكييف برة التوكيل وفي كرولا ياعني ماهياش نادرة الوجود روحت تاني يوم خليته يفكه ويركبه تاني (سنة برة البلية, رجة مع تشغيل التكييف, صوت رفة ودا بسبب إني السير مش كله في البلية)
الصيانات الي ممكن تتعمل خارج التوكيل ممكن تكون زي بالظبط ما أ.أبو نورا قال عفشة كاوتش ترصيص زوايا بيض جلب مقصات سمكرة ودوكو سروجي إضافات أجهزة.
وحتى لو فيه حاجة من دول كان عطل فيها عالي أو صعب ماتحاولشي معاه كتير روح للتوكيل وإشتري دماغك وعربيتك في نفس الوقت.
|