[احمد سويلم]

السلام عليكم ورحمه الله
مبدئيا ألف شكر ليك يافندم ع التقرير ومبروك العربيه ربنا يباركلك فيها ويستر طريقك
واحب اقولك ان العربيه اكسبلوجن كانت مع ابن عمى وسابهالى وسافر امريكا وفضلت معايا حوالى 6 شهور وبصراحه عربيه اقل من متوسطه بالنسبه لسعرها
وانا طبعا مش قصدى اى حاجه ولكن حابب اوضحلك شوى حاجات هاتحسها وهاتشوفها مع الوقت
اولا الدوسات من تحت زى الزفت وعامله زى ماتكون دوسات عربيه سيات 133 او 126
ثانيا : التزييق ده هيبان اوى معاك ومش هاتقدر تحدد بعد كده جايلك منين وهاتسمع عصافير فى كل حته
ثالثا : التوكيل لايرقى الا ان يكون ورشه وانا بنفسى روحته فى الزقازيق بجوار موقف المنصوره
رابعا : يعيب العربيه انهها 3 راكب فقط بمعنى انا لكنبه اللى ورا متشيلش غير اتنين
خامسا : اوعى تحط بنزين 80 فيها وده بناءا ع التجربه لان مكنش فى بنزين 90 فى قريه ما فى مجاهل محافظه الشرقيه واضطريت احط 80 وعطلت منى وجابت طرمبه بنزين تانى يوم على طول بالرغم من ان العربيه مكنش بقالها بالظيط 3 شهور زيرو

ربنا يبارك لحضرتك فيها