[حسام البورسعيدى]

بص يا باشا .. الانسر بطه عربية تعتبر قديمه .. وانا شايف ان سعرها غالى بصراحه على امكانياتها ..

الـ 300 الف كيلو ميعيبوش العربية .. حتى لو العربية موتورها محتاج عمره بحكم انه بقى ماشى كتير .. ميهمش .. عمر الموتور ما يعيب العربية .. ممكن تبقى عربية حالتها نضيفه جدا بس موتورها تعبان .. تقوم انت تشتريها وتسقطلها موتور نضيف استيراد يكلفك 3000 جنيه وتبقى كده احييت العربية ..

العبره مش فى انها ماشيه كتير او غيره العبره فى انها عربية قديمه وصعب تلاقى حاله نضيفه منها ...

بيجو 405 حلوه بس لازم تشترى حاله نضيفه علشان تفرح بيها ومتقرفكش ..

انا رأيى تشوف لانوس 1 تسعينات او هيونداى اكسيل .. ويا سلام لو تقدر تلاقى هيونداى النترا من 96 - 97 (الكورى اسمها افانتى) بسعر يناسبك .. العربية دى ممتازه جدا واعتماديه وواسعه وسريعه .. ودى معايا والحمد لله زى الفل .. قطع غيارها قليله شويه بس متوفره جدا فى بورسعيد ....

وبالتوفيق باذن الله .....