[محمد حسن عبد الرحمن]

بسم الله الرحمن الرحيم

أنا دية أول مرة أزور فيها هذا القسم بالمنتدنا الجميل مصر موتورز كان عندى أستفسار بسيط لنوع من انواع الترسة (السلحفاة البرمائية) هل فى حد هنا فى المنتدى بيربى هذا النوع من الزواحف المهم هدخل فى الموضوع عندى ترسة برمائية أسمها (ساسو) ده الأسم اللى أنا أخترته ليها مش نوعها المهم منذ آخر أسبوع برمضان أكتشفت أنها مغمضه عينها علطلول قولت أبص عليها لقيت زى ما يكون عينها ورمة ويبدو وأنها ملتهبة وأستنتجت أن اللى حصل ده بسبب المياة الغير نظيفة بالحوض الخاص بها لعدم أهتمامى بنظافة الحوض لفترة 3 أيام روحت لطبيب بيطرى وقال لى أنهو هو وإغالبية الدكاترة البيطريين لا يتعملوا مع هذا النوع من الحيوانات أو الزواحف هم يتعملون مع قطط وكلاب أبقار أحصانه آلخ أما هذا النوع من الزواحف فلا على العموم هو أقعد يتفحصها شوية وكتب ليها قطرة للعين وفيتامين بيتهيالى (هـ) ومرهم يوضع على الجفن مضاد حيوى وأنا قبل ما وديها كنت بحط مرهم مضاد حيوى ترميسين اللى كنت بحط منه للعصافير بتاعتى لما يجلهم جدرى المهم هى بقالها كدة حوالى أكثر من أسبوعين على هذا العلاج الورم بالعين قل لكن ما زالت مغمضة العين ملحوظة منذ آخر أسبوع فى رمضان وهى لا تأكل نهائى والحمد لله وبفضله ما زالت على قيد الحياة برجاء من له خبرة أو دراية أو خلفية عن هذا النوع من الزواحف برجاء التكرم بشرح كيفية علاجها أو أستخدم أيه معاها علشان فى البيت عندى مضيقين أوى لكونها مريضة وهم متعلقين بها جدا.

أخوكو محمد