[borio1704]

المشاركة الأصلية كتبت بواسطة ahmedraafat00 بس ياجماعه فى حاجه جت فى بالى دلوقتى العربيات العاليه على قد ماهيا توازنها مش حلو وخطيره فى المناورات على سرعات عاليه بس في ميزه برده حلوه فى المطبات انا مش عايز اقولوكم من كام يوم كنت سايق بسرعه وطبعا انتوا عارفين فى بلدنا العزيزه كل يوم يطلع مطب متعرفش طلع امتى المهم طبعا لما باخد بالى منه مش بحلق الم سرعتى فنزلتها ل 40 بالعافيه والمطب عالى وغبر ده هضبه مش مطب وحصلت معايا بتاع 3 مرات فى يوم واحد وطبعا العربيه الجيب العاليه نفعتنى فى كده لو عربيه تانيه واطيه فى موقف زى ده انا اعتقد الجزء التحتانى اسفل العربيه كان زمانه رايح فى داهيه وانتهى الصلاحيه يعنى من الاخر عربيه عاليه هتفيدك فى المطبات بس هتضرك فى الثبات وعربيه واطيه هتريحك فى الثبات بس هتقرفك فى المطبات طب بالنسبه لواقع شوارع مصرنا الحبيبه تفضلوا فيها عربيه عاليه ولا واطيه ؟

اللي حضرتك بتوصفه ده هو بالظبط الغرض من العربيات الجيب والـ4×4 بشكل عام

عشان كده بنلاقي أشكال مختلفة من السيارات ... كل واحدة فيهم ليها استخدام غير التاني... وكل واحد فيه مزايا مختلفة وبرضو عيوب مختلفة

المهم نبقى عارفين إيه الفروق ولما نختار عربية نراعي الموضوع ده عشان ما نبقاش متضايقين من عربياتنا

أنا عملت موضوع في طريقة اختار عربيتك... ادخل عليه في الرابط ده
"عايز تشتري عربية ومحتار؟؟؟؟ تعالى أقوللك إزاي تختار"



...