قبل كدة كنا اتكلمنا فى موضوع سابق عن انك ازاى تقدر تركب عداد حرارة ديجيتال بنفسك
ولينك الموضوع كان دة
http://www.masrmotors.com/vb/showthread.php?t=96147
النهاردة بقى حنركب لمبة زرقاء وهى لمبة تعبر عن ان الماتور مازال باردا وسوف تنطفئ هذة اللمبة اوتوماتيكيا عند درجة حرارة 70 درجة سيليزية فتبدا انت بالتحرك بالسيارة فى امان
الادوات المطلوبة
- مفتاح ثرموستات ب 6 جنية "NC" 70
- ليد ازرق 0.5 جنية
- مقاومة ربع وات 4700
حنوصل المقاومة بالليد ويوضع فى شاشة العدادات على هذا النحو بكل سهولة
اللمبة الطرف السالب موصل بالثرموثتات المعلق على جسم ماتور السيارة " اى مكان يعبر عن سخونة الماتور " والحساس فية مكان تركيب مسماريين بحيث انة يبقى جسم الحساس ملامس للجسم الساخن
بالنسبة للطرف الموجب يؤخذ من موجب لمبات العدادات اى لمبة تكون قريبة منك
وبكدة الطرف الموجب دائما حيكون قصير والسالب حتشدة بسوستة لغاية الماتور وتفصلة بالحساس
فكرة الحساس
الحساس بة مواد تتاثر بالحرارة فتتمدد فتفصل طرفى الحساس عن بعضهما
ولكن الحالة العامة للحساس شغال اى ان طرفينة متصليين حتى درجة 70 حيفصل الطرفيين نظرا للتمدد
الموضوع بسيط - مافهوش عك - سهل جدا تقدر تعملة بنفسك فى ساعتيين رواقة
تاخد عداداتك فى بيتك وتلحم لمبتك وترجع تشد سلكة واحدة سالبة من العدادات لجسم الماتور
اخر حاجة
وصل الطرف السالب بالفيشة بتاعة العدادات فى اى PIN فاضى والمقابل بتاعة فى الفيشة الاخرى طبعا فاضى " اللى واصل للحساس" على شان لما تحب تفك العدادات ماتقطعش السلك ويبقى شغل احترافى
وهى دة فكرة اللمبات اللى موجودة حاليا فى كل السيارات بدلا من عداد الحرارة
سواء اللمبة الحمراء او الزرقاء ما هى الا ثرموستات سويتش
ومبروك عليكم