[MosTafaFox]

السلام عليكم يارجال
كيف حالكم .. ان شاء الله بخير

اليوم رحت بنفسي وشيكت على الكورولا الجديدة بالكاااااااااااامل ..
والله الصراحة مش ولا بد في الشكل الجديد

بس ياللي عجبني انو لساعتها الكورولا يابانية اصلية .. وهذه الصورة تؤكد هذا الشي


بس الصراحة فيها عيوب اكثر بكثييييييييييير من الشكل القديم

والعلة نزلوها عندنا في جدة شركات الاجار
وهذه اول صورة وهي في الطريق


ونبدأ بالعيوووب

عندك اول شي

العداد تقول كأنو عداد صني او تيدا .. يعني ولا كأنو من شركة تويوتا ..

شوف بالله الفرق بين داه وبين حقنا 2007 او 2006 او 2005



والله فرق شااااااااااااااسع جدا جدا

شوف الواجهة كيف كلها بلاستيك

القديمة كانت كمان بلاستيك بس مو قطعة وحدة مع الشبك
يعني في فرق واحد



شوف المسجل .. زي ياللي في الموديل القديم
مع العلم انو لازم في الموديل 2008 يتغير تغيير نهائي
يعني عبداللطيف لازم يورينا لمساته الرهيبة



هذه دليل اكيد انو الكورولا ياللي نازله هنا هي نفسها ياللي في كانت في ماليزيا
كورولا التيس Altis
وانا كل اصحابي ياللي هناك قالولي واكدولي داه الشي



هادي يمكن اتحدى واحد منكم عرف ايش العلة هنا

شايفين القطعة من الكفر للكفر .. هذه بلاستيك
اما في الموديل القديم حديد وملصق مع الشاسيه

اما هذه بلاستيك مثبته بمسامير
انا ماصدقت.. انت روحو وشوفو
هذه من اول مطب تلاقيها انكسرت


طبعا الشكل من ورا ماختلف ابدا من الهيونداي النترا
شوف الفرق بين الاثنين



---------------------------
في اشياء اانا الصراحة ماصورتها بس رح اقولها هنا


عندك المساحة ياللي عند الستارة (ورا المقعدة) عند السماعات الجديدة مررررررررة صغيرة .. شوف الفرق بين 2008 و 2007 .. عندنا الصراحة اكبر

البودي من عند الرفراف الامامي اكبر من اللازم .. تقول منفوخة نفخ
يازين الشكل القديم

عندك في الشمعات .. شوف كيف بارزه عند لمبة الفلشرات .. مالها داعي لانو من اي حكة رح تنكسر

ازارير المكيف كأنو كامري وياريس مع بعض

عندك اكبر عيب في مكينة السيارة .. الكمبيوتر حقها صار باين وقريب من المكينة .. مهو محمي .. يعني لو دخلو مويه .. ردد ياللييل مطولك

مافيك تلعب بالطبلون حق السيارة .. مافيلو ولا مسمار جربت احسحس بس مافي امل .. لازم تفك الطبلون كلوووو مع المسجل مع فتحات المكيف

في الكورولا القديمة من سنة 2004 .. اقل نوع ياللي هو XLI .. المرايا تنطوى بزر ..
اما في الجديد مهي موجودة الا في 1.8 XLI او GLI

الساعة شالوها من تحت المسجل (زي القديمة) وحطوها جو الطبلون .. (زي الصني )




اما الاشياء المميزة الصراحة قليلة جدا

هي انو صارت لها 6 سماعات

الكشافات صار لها برواز نيكل (شوفو الصورة)


التعشيق خريطة طبعا .. بس مافيلو زر O/D .. بس تعشق على اليسار وصار 3

الجنوط صارت من نوع 5 مسامير .. يعني يمديك تلغم السيارة بالراحة .. مايحتاج لاتوليف ولا شي

في شي احسن من القديم .. موديل 1.8 XLI صار لها فتحة بالسقف (تنده) بس من دون جناح و نسافات

ماعاد في مكينة 1.3 .. نزلو بدالها 1.6 .. نفس شكل ماكينة 1.8 بس فتحات السلندر اصغر

في حاجة حلوة وهي انو ازارير التندة (فتحة السقف) صارت زر واحد .. مو زرين زي عندنا .. يعني هو نفسه ياللي يفتح ويسكر ونفسه ياللي يرفعها لفوق (كشخة )

الكبود (غطاء المحرك) صار له عازل _ سفنجة_ يعني كاتمة للصوت



طبعا الموضوع والله من مجهودي الشخصي .. لا منقول ولا هم يحزنون
وانا ان شاء الله راجع على الوكالة وازودلكم بالصور وبالدليل القاطع

اخوكم من محل الحدث // طارق \\ abu ajaj
---------------------------------------------

منقول للافادة