المشاركة الأصلية كتبت بواسطة kanzo80
السلام عليكم ورحمة الله وبركاته
معلش انا هاتعبك معايا بس ده عشان انا بثق فى كلامك جدا كنت عايز اعرف انا دلوقت فى حيرة من امرى قلت اجيب مستعمل فى حدود 30000 ولاقيت ناس تشكر فى نوع وناس تانيه تشتم ومش عارف بصراحه وفى نفس الامر حد قالى خليك فى الجديد افضل بس برضه انا عايز لحد الخمسين الف او ازيد بحاجه بسيطه عشان هاجيبها قسط فياريت لو تسمح تقلى الحل الافضل وطلباتى فى العربيه انها يكون شكلها حلو تستحمل قويه يعنى وواسعه عشان تساع اسرتى وتكييف وكده يعنى واهم شئ قطع غيار متوفرة وتتصلح لو حصلها حاجه متبوظش بسرعه ومتكونش بتسحب بنزين كتير وفى نوع حد قالى عليه اسمها مابل روميو لو جديد وهيونداى فى المستعمل او دايهاتسو او دايو شوف انت بقا وقولى المفيد والاصلح
|
بص يا باشا العربيه اللى اسمها مابل روميو بلاش
هتخسر فيها جامد
اولا ملهاش قطع غيار ثانيه
انا لو هتستعمل لما هتيجى تبيعها يدوب 28 - 30 الف
بتخسر جامد جدا جدا
لو بالتمن ده
عندك اسبيرانزا a516 موديل 2007 فى الاربعينات
وعندك الرينو لوجان 2009 تعمل 49 الف
و2010 فى الخمسينات
عندك الدايو نوبيرا 2002 فى حدود الاربعينات برده
ال 30 الف سعر قليل شويه
يعنى لو ل 35 الف
ممكن تجيب كيا برايد 2002 فول اوبشنز و اوتوماتيك كمان
او رينو كليو 2003
لو هتوصل ل 50 الف
عندك اللى انا قولتلك عليه
اى استفسار انا تحت امر سعادتك
تحياتى