هشترى جديد و ازاى اهرب من نصب المعارض
مساء الخير يا شباب
انا انشاء اللة هشترى byd f3
انا حاليا بدرب على السواقة فى مكتب علشان انشاء اللة اسوق بتمكن
المهم
السعر الرسمى فى توكيل الامل 72 الف جنية لكن لما اتصلت ببعض المعارض منها سمير ريان و صلت السعر بالتيلفون الى 70 الف
بس فى واحد نبهنى ان فى توكيل الامل بيدونى كل ورق العربية و انا بستلم السيارة
لكن بعض المعارض بتعمل شغل ازرق علشان يعوضو اكبر قدر من 2000 جنية اللى نزلوها
يعنى يقولك تعالا بعد يومين خد الضمان بفلوس و بعدها ممكن يقولك فى فلوس علشان توثق معرفش اية فى المرور
ارجو من اللى اشترى زيرو يقولى هل الكلام دا صحيح و حد حصل معاة الموقف دة
فى اخ فاضل هنا كاتب ازاى تستلم عربيتك سليمة من المعرض و كاتب الورق بتاع السيارة اللى هو
- كتالوج
- كتيب الضمان للسيارة ( كامل البيانات والأختام )
- شهادة ضمان منفصلة للراديو ( مختومة )
- خطاب موجهه من الشركة إلى إدارة المرور
هل لو اخت كل الكلام دة و انا بستلم العربية هل ممكن احتاج المعرض فى حاجة تانى
------------------
و هل ممكن اعرف ترخيص 3 سنين لاول مرة يتكلف كام و هل اروح الشهر العقارى ولا المرور بس يعنى و انا رايح المرور يكون معايا كام
ارجو الافادة من الاخوة الاعضاء
شكرا
|