[noura_taman]

ارجو ان اجد لديكم الحل
ابني بقاله فترة بيسأل كيف هو شكل الشيطان انا عايز أشوفه حاولت معاه اكتر من مرة من وصف شكله كما ورد في القرآن ولكنه مصر على رؤيته جبتله صورة من الصور الكارتونية على الانترنت التي تشبه الشيطان ولكنه مصر على رؤيته وانا مش عارفة اقوله ايه
مرة تانية قالي طيب هوا نا امتى هاشوف ربنا ؟؟ قولتله حبيبي ربنا هوا للي شايفنا ولما تعمل كل حاجة كويسة هاتدخل الجنة وتشوف ربنا لأن دي الهدية اللي ربنا بيهديها للناس لما يدخلوا الجنة قالي طيب هو انا هادخل الجنة امتى؟ قولتله لما كل أعمالك تكون كويسة هايبقة ييجي الميعاد ربنا بس اللي عارفه قالي لما اأموت؟؟؟!! انا اندهشت قولتله حبيبي بعد الشر عليك ربنا بس اللي يعرف امتى راح قالي يارب اموت بقة عشان اشوف ربنا والملايكة وشكل الشيطان
مرة تانية لاقيته بيطلب مني زي ما جبتله صورة كارتونية للشيطان اوريله شكل ربنا على الكومبيوتر !!! أستغفر الله العظيم حبيبي ربنا مالك الملك وحاولت بقدر المستطاع اوصله الفكرة ان الله ليس كمثله شيء ولا يمكن ان يشبه لكن مافيش فايدة؟؟
أعمل ايه وخايفة اكون اللي بعمله بيلخبطه ويدخله في سكك تانية زي ما اصبح بيتمنى الموت عشان يشوف كل ده؟؟؟ أرجوكم أفيدوني