[sherifabden]

المشاركة الأصلية كتبت بواسطة مانوورة السلام عليكم و رحمة الله و بركاته وعليكم السلام ورحمة الله بركاته انا محتاجة اشتري عربية تكون عالية عن الارض و عزمها شديد و تتحمل مسافات و مطبات و خصوصا مطباتك يا مصر ماشي طلبك موجود المشكلة اني معنديش اي فكرة بسوق السيارات وبعد بحث وتمحيص استقريت علي الموديلين دول يا اما دايهاتسو تيريوس يا اما هيونداي توسان ثانية واحدة هقولك افضل حاجة بس اقرا باقي الموضوع انا محتاجة اجيب حاجة فيهم في المستعمل يعني مش هجيب جديد عشان طبعا لازم اشد لحافي علي اد فلوسي بس انا بصيت علي سعر التيريوس في المستعمل في حدود 45 و مش عارفة التوسان في منها مستعمل و للا لاء؟ انا شاكك ان التوسان تكون نازلة مصر اصلا ......................... .. وكمان عايزة اسأل الله يكرمكم ، ينفع اتعلم سواقة علي عربية من دول لما اشتريها ؟؟ و للا هيكون صعب عشان العربية عالية؟ يعني اتعلم سواقة الاول و للا اشتري العربية الاول؟ لان في كذا حد نصحني اني اتعلم سواقة علي عربيتي افضل !!! لا انتي تتعلمي اساسيات السواقة الاول وبعد كده سوقي العربيات العالية دي ومع الوقت هتتعودي عليها ---------------------------- و بالنسبة للي هيسوق مسافات طويلة بس كي جي وان سواقة يعني يجيب اتوماتيك و للا مانيوال افضل ؟؟ يعني لو انا اتعلمت سواقة علي عربية اوتوماتيك هعرف بعد كدا اسوق مانيوال لو احتجت و للا هيكون صعب؟ اللي ساق مانيوال هيستريح مع الاوتوماتيك واللي ساق اوتوماتيك هيتعب مع المانيوال دي حكمة من تاليفي يعني لو ناوية على اوتو انصحك بالتعلم على عربية اوتو ولو ناوية على مانيوال اتعلمي على مانيوال بس طبعا الاوتو مريح جدا في السواقة --------------------------- و اخر استفسار بقي لاختكم الغلبانة ازاي اشتري الموديل اللي انا عايزاه في المستعمل و ما اتغشش فيه ؟؟ بعد ما تختاري العربية لازم ميكانيكي يكشف على الموتور والفتيس وعفشجي يبص على العفشة وسمكري يبص على صاج العربية ولو عندكم موديلات تانية ترشحوهالي في العربيات العالية عن الارض غير دووول يبقي كتر خيركم ......................... ...... و جزاكم الله خيرا

بصي هوا صعب تلاقي عربية عالية عن الارض بالسعر دا 45 الف جنيه
يعني ممكن تلاقي التيريوس بس هيا اللي عالية
انما لو مش فارقة معاكي ممكن تجيبي سوزوكي ماروتي عربية محندقة وصغيرة وعلى قدك وكمان عالية عن الارض وكمان هتبقى زيرو