[shoman011]

المشاركة الأصلية كتبت بواسطة محمدصلاح القاضى كله بتكلم عن الميكانيكا بس ومحدش قال انه لازم يظبط هوا الكاوتش على 30 /32 كله كداا عشان الحر والمطبات ومحدش قال انه لازم يبص على العفشه ويراجع على فرامله ومياة الريداتير بتاعته ويفول العربيه ويقيس الزيت قبل ما يدور الصبح ويخلى عينه على امبير الحراره وهو ماشى وبعدين يريح العربيه ويديها راحتها فى المشى يعنى 80/100 بالكتير عشان الحر والكاوتش والزيت والمياه ويتأكد من حريق عربيته قبل ما يمشى ويفك البوجيهات يبص على شكلها وينصفرها ويركبها تانى ومفيش مانع انه يظبط كهربا تانى عشان العربيه متسخنش فى السريع ويكشف على انوار العربيه عالى وواطى واشارات وكلاكسات واستوب لازم كل الحاجات دى واظن انها مش مكلفه ابدااا وكلها راحه ليه بدل ما يعطل على الطريق ويقف يصلح فيها لا يريح دماغه ويتوكل على الله ويصلى ركعتين لله قبل ما يمشى مع دعاء السفر وان شاء الله يوصل بالسلامه هو وايمن وشومان يجيب من هناك سودانى عشان سودانى الصعيد جامد جداااا وايمن يبقى يجيب مرجان وهو جاى من البحر توصلوا بالسلامه ان شاء الله واطمنواا الوحش 132 بتاع شقى وشغل

الف شكر على كلامك وانا هتوكل على الله وهسافر وهجيبلك سودانى بس خلينى اشوفك فى اسكندرية الايام الى جايه

المشاركة الأصلية كتبت بواسطة Hisham.Elgazzar انت سألتنى على موضوع الشكمان ؟ وهل انا قلتلك حاجة تضللك ؟ وهل اللى انا بكتبه فى الرابطة تجارب أفلاطونية وهمية ؟ أقولك انا بكتب كل حرف عن تجربة شخصية ومابحبش الفتى ناس قالتلك خد موبينة كملت بقى وقولتلك خد بقيت الحجات المهمة الشكمان معرفش فيه اه لكن مايعيبش العربية لكن لازم تعرف ان ناتج حريق الموتور بيطلع منه ومكان التنفيس هيرمى صهد نار إبن أبالسه بس كده ياسيدى على فكرة علشان فى ناس حبت تقلل من شأنى وإفتكرت انى مشعاوز أقول للناس انا عملت اه فى الكارونة أقولكم بقى انا عملت اه جبت نشارة خشب وبرادة سلك ألمونيوم وشحم ليثيوم من التوفيقية وهرست عليهم شوية فحم من بتاع الشيشة لأنى بشرب شيشة ومعايا شيشة فى العربية وكمان فرمت عليهم قشر موز أمريكانى (قشرة تخينة ) وكبست كل ده فى الكارونة طبعا على الزيت الأديم وقولت ان الموضوع هاينفع ، لكن ماكانش ينفع أقولكم علشان ماحدش يتريق عليا وماأخسرش حد لكن مع الأسف الكارونة منعت الصوت كام يوم وكنت بجرى مع عجل ماضى كتف فى كتف لكن حصل موقف خلانى قرصت على العربية والحمدلله رجعت تون تانى , وتخبط كمان ههههههههه \\وكأنك يا أبو زياد ما تعبت وطلعت الأسياد صباح الفل عليكوا ، ربنا يكفينا ويكفيكوا شر الطريق معلش انا مخنوق شوية الحمدلله رجعت امبارح ونا داخل البيت ليقت رجلى عايمة فى بحر والشقة غرقت كلها ميه الحمدلله على كل حال وحسبى الله ونعم الوكيل فى اللى يمسح الرد ده

استاذ هشام اولا تحية خاصة لك بس الحكاية انت فهمتها بمعنى غلط
الحكاية مش تضليل او عدم ثقة او كذب ..... انا والله بثق فى كلامك بس انا من النوع الى بيحب يسمع رأى الكل وكفاية انك بترد على فى مواضيعى ده كفاية لوحدها حتى لو مكنتش تعرف الحل كفاية انك بترد على وبجد الف الف الف الف شكر ليك وياريت متزعلش منى لانك لو زعلت كده انا همشى من الرابطة وانا مقدر انك مخنوق علشان انا لما بكون مخنوق ببقى مش ضايق اكلم حد
واحمد ربك على كل شئ
وبالنسبة لحكاية الكارونة انا والله كنت عارف الحل علشان استاذ cars admire بعتلى رسالة خاصة فيها الحل بتاع الكارونة
بس انا مستعملتش الحل ومعرفش نتيجته ايه .... علشان كده حبيت انك تقول التجربة دى لباقى الاعضاء علشان يستفيدوا منها .....
ياريت يجماعة محدش يزعل من حد لان كلنا اخوات فى الرابطة دى وانا والله والله والله مستنى اقابلكم فى اسكندرية
وياريت يأستاذ هشام تتقبل اعتذراى مرة اخرى بس والله انا مكنش قصدى حاجة