مشكلة غلبتنى فى 127
السلام عليكم
قلت أظبط عفشة العربية شوية. غيرت كبالن ألمانى ومقصات
بعد تانى مشوار التيلة الصغيرة اللى جوة الكوبلن فلتت والعربية وقفت (طبعاً عرفت ده لما الميكانيكى غيرها)
بعد كده العربية مشيت تمام بس فيها عيب غلبنى... لما أدوس فرامل علشان أهدى تحدف يمين... قلت المشكلة من الفرامل، بقيت أسيبها تهدا لوحدها وانا سواء مدى غيار أو ممور العربية بردو تحدف يمين... مع العلم وأنا ماشى علطول زى الفل حتى لو سبت الدركسيون مش بتحدف.
ظبطت زوايا عند كذا واحد بردو زى ما هى
رحت لعفشجى واثنين ما عرفوش العيب فين
رحت لميكانيكى قالى علبة الدركسيون عايزة تتغير... ركبت واحدة إيطالى
كده المقصات والكبالن والعلبة جداد والمساعدين حالتهم كويسين
ولسه العربية بتحدف يمين وهى بتهدى
حد عنده توقع المشكلة تكون منين ؟
|