السلام عليكم
انا يا جماعه من عادتى انزل بالعربيه يوم الجمعه الساعه 8 الصبح واجرى بيها شويه فى الروقان
المهم النهارده وانا على الكورنيش "فى اسكندريه" واللى من اسكندريه يعرف ان فى مناطق فى الكورنيش واخده دوران او ملف شويه أو منحنيات المهم كنت ماشى تقريبا على 100-110 وفجأه العربيه اللى قدامى هديت اوى فأنا بصيت فى المرايه الشمال وكسرت الدركسيون على شمال عشان امسك اقصى الشمال وهنا كان الطريق واخد منحنى وخدت المنحنى ده ده على سرعه 100-110 المهم لقيت العربيه ميلت أوووووى والصراحه قلبى دق وحسيت انى هتقلب بس الحمد لله الموقف عدى بسلام واللى خلانى اخد المنحنى او الملف على السرعه دى ان كان ورايا عربيات كتير بتجرى وطايره فمش هينفع أهدى وانا اصلا تقريبا كنت فى الحاره اللى قبل الاخيره شمال
ملحوظه العربيه جيب شيروكى وعاليه
فأنا عايز اعرف هل اللى حصل ده عيب سواقه منى او انا مش مسيطر على العربيه ولا عيب عربيه لان الجيب عاليه ؟