[m_synergy]

دا انتا لو جبتها زيرو ب140 الف وحبيت تبيعها بعد 3 او 4 سنين هتخسر نص التمن وممكن ترسى عليك ب60 الف بس
[/QUOTE]
طيب ما معظم الصينى كده ده لو مكنش كله يا صحبى
[/QUOTE]
بالنسبة لكلام sherifabden عن اعادة البيع, فهو صحيح فعلا بس انا اصلا هجيبها مستعملة فالعملية مش هتفرق معايا كتير , حتى لو بعتها بعد كدا متهيألى مش هخسر فيها كتير (مش زى اللى جابها زيرو, الله يكون فى عونه )
اما بالنسبة لكلام كومندا , فهل معنى كدا انى ممكن اشوف حاجة موديل 2006 او بعد كدا ومش هيبقى فيها المشاكل اللى الاخوة قالو عنها؟؟
بالنسبة للكمبيوتر والحساسات ,فانا الحقيقة عاجبنى ان العربية فيها الحاجات دى (انا اصلا مهندس كمبيوتر فاى حاجة فيها كمبيوتر تعجبنى ), بس السؤال يا استاذ كومندا, هل الحاجات دى بتبوظ بسرعة وكل شوية هروح بيها التوكيل ولا لو متظبطة صح مش هيبقى فيها مشاكل.؟؟؟
وهل التوكيل بيعمل الصيانات دى بسرعة ولا هيلطعنى جنبه لحد ما يفرجها ربنا؟؟؟

ياريت الاقى اجابات على الاسئلة دى, انا كنت قفلت من العربية (رغم انها عاجبانى) بس كلام كومندا خلانى ارجع افكر فيها تانى.

شكرا ليكم[/QUOTE]
بص يا صحبى موضوع ان المفتاح بتعها ممكن يتقلد ده مستحيل لان المفتاح الجديد لازم يتبرمج على كمبيوتر العربيه ومعتقدش فى حرامى يقدر يوصل لكده
ده حتى المفتاح عباره عند حاجه مربعه كده وفيها كام زار وله مكان فى الطبلوه وزار استارت العربيه تشتغل
موضوع صيانة التوكيل مقدرش افيدك لانى مجربتش ومحبش افتى
الميجان كان مع واحد صحبى وكنت لما بركبها بحس انى راكب فى كابينة طياره حربيه
وعفشتها عاليه من وراء فمتحكش فى المطبات
وصينتها كان بيعمل فى توكيل شغال فى حوالى 5 مركات عربيات يعنى مش متخصص رينو وبعها عشان يجيب الشارك
بس عمره ما اشتكا منها
بص مختصر المفيد الميجان عامله زى البيجو الجديد الاتنين فرنساوى وشيك وتكنلوجيا عاليه واوبشن حلو لكن مش اى حد يشتغل فيهم قطع غياره غاليه لكن معمره وتقيل فى البيع

[/QUOTE]
شكرا كومندا باشا
على اساس كلامك فانا المفروض ادور على موديل 2006 او بعد كدا وانى اراعى صيانة العربية فى التوكيل عشان ما تحصلش مشاكل.
بس ليا طلبين:
ممكن تديلى تسعير لموديل 2006 او 2007 للعربية؟
سؤال عبيط شوية, هو الستريبتونك معناه ان العربية ينفع اسوقها اوتوماتيك ومانيوال؟