انا بقى تعلمت القيادة على كبر
وبدون معلم وكمان على سيارتى الزيرو
لانى ملاقيتش حد يعلمنى على سيارته خوفا منى على عربياتهم طبعا
ولاحتى لاقيت مدرسة لتعليم القيادة فى السويس
المهم العربيية قعدت تحت البيت مركونةلاكثر من شهر
رحت جايب الكتالوج وقريته اكتر من مرة بالكامل
وعليها قعدت كل يوم اقود السيارة حول المربع السكنى
والشوارع واسعة عندنا وده اللى شجعنى وكل مرة اوسع الدائرة باضافة شوارع جديدة
لغاية ماحسيت انى باعرف اتحكم بالسيارة وعليها رحت بهيا الشغل وعملى
فى اطراف المدينة برضه بعيد عن الزحمة وده ساعدنى شوية كمان واللى اعطانى الجرأة كمان
بس ربنا بيحبنى لانى رخصت السيارة قبل الثورة باسبوعين وركبت النمر
انه لايوجد مرور ولا يحزنون ايام الثورة وياسلام طلعت رخصة القيادة بعدها بثمانية شهور
وبدون واسطة ولا رشوة كانوا اتعلموا الادب ايامها بس طبعا بعد مالهفو
300 جنيه رسوم مدرسة القيادة وكانت الدورة نظرية لان كل عربيات المرور
تم تدميرها او سرقتها وقتها ......... المهم
اكتسبت ثقة اكبر وعليها رحت نازل بيها وسط البلد وسط طوفان العربيات
وانا جيت باخد ملف وفتحته كانت ضيقة كانت مناورتى ضيقة
وكنت محضن شمال على الملف العجل خبط فى الرصيف
والموتور وقف لاقيت طابور العربيات اللى وريا كله بيزمر بجنون
وبخاصة الميكروباصات والاجرة
ويستعجلونى انى ادور العربية لاقيت سواق الميكروباص اللى وريا بيضحك بسخرية
وبيقولهم اصبروا عليه شوية يا جماعة طبعا بيتريق عليا هههههه
طبعا العربية واضح انها على الزيرو لان
فرشها كان باكياسها وواضح ليهم انى جديد فى السواقة علشان خبطت الرصيف
بس اهو السواقين خاصة بتوع الميكروباص والاجرة
لاقوها فرصة و حبوا يعملوا ليا زفة بكلاكساتهم علشان يربكونى اكتر
انا بقى عملت عملت بالنصيحة وهى ودن من طين وودن من عجين ولا اكن فيه حد ورايا ههههههههههههه
اخدت راحتى بغلاسة ومورت العربية ودورتها وعدلت نفسى فى خمس دقائق مرت عليهم كانها
ساعة وتعمدت انى اغلس عليهم وطولت شوية علشان اعيد تدوير العربية وافتح الطريق ليهم
وتقبلوا مرورى
