[Vanditta]

المشاركة الأصلية كتبت بواسطة borio1704 الـعيوب في الأجزاء دي غالبا بتخلي العربية تقطع أو ممكن ما تشتغلش.... على حسب حجم العيب. وده بيحصل ليه؟؟ باختصار.. الشرارة بتتنقل من الأبلاتين للموبينة اللي بتوصل الشرارة للشاكوش في اللحظة اللي بيلمس فيها سلك البوجيه اللي بيحصل فيه الإشعال. فكده عندنا شرارة في الأبلاتين... وشرارة في الشاكوش... وشرارة في البوجيه، وأي تسريب للشرارة خلال المسار ده بيضعف من قوة الاشتعال بالنسبة لموضوع الكربنة... ده بيبقى نتيجة الشرارة اللي بتطلع من الموبينة، والكربون يعتبر موصل ضعيف نسبيا، وهو ده اللي بيتقال عليه (الأبلاتين لدع). على فكرة الشاكوش مش هو العمود المربع... أنا كان قصدي على الكامة المربعة اللي بيركب عليها الشاكوش. بالنسبة للوش والشاكوش ممكن تشتريهم لوحدهم... أنا اشتريت وش اسبيراتير أصلي لوحده قبل كده.

جزاك الله خيرا استاذ borio1704 على المعلومات دى

بس هى الصورة دى لاسبراتير عادى ولا الكترونى !!
اصلى ملاحظ فيها وجود ابلاتين وكوندينسر واللى اسمعة عن الاسبراتيرالالكترونى انة مافيهوش او مابيتغيرلوش ابلاتين وكوندنسر !!
اصل انا اللى عندى الكترونى