رد: ابيع السيفيك و اجيب ايه؟؟؟
أخبار الوكيل تحسن بعض الشيء بعدما فتح فرع أبورواش للصيانه وأصبحت الصيانه تتم بطريقه ظريفه غير مزعجه للناس
وهي أن هناك نمره تتصل بيها 19525 لحجز ميعاد مسبق حتى لو بنفس اليوم مش مشكله وحياخد منك بيانات العربيه ورقم الموتور والشاسيه ولوح العربيه وسبب الزياره (مشكله معينه أو صيانه دوريه) هكذا
وحيديك ميعاد معين سواء في ورش الصيانه بأبو رواش أو في العبور حسب إختيارك
حتروح هناك بالعربيه حتلاقي من أول بتوع الأمن إللي حيفتحلك بوابة الصيانه ويستلم السياره منك ويشيك عليها من الخارج عشان لو فيه خدوش خبطات أو أي شبء يذكر بالتقرير قبل الدخول عشان ماتقولش إن اللي حصل فيها من سوء معاملة عمال الورشه وحيلبس كرسي السواق كيس بلاستيك والطاره أيضا كيس مخصص للطارات دائري الشكل للحفاظ عليها من الشحوم والزيوت من أيدي العمال ويلصقون سلخه بلاستيكيه على القائم الأمامي لأنه من الداخل الفينيشيج بتاعه قماش فيكيسونه أيضا بالبلاستيك لضمان عدم تشحيم أو توسيخ الصالون
يأتي موظف الإستقبال ويأخذك لمكتبه بالصاله الرئيسيه ويفتح ليك أمر شغل بالمعلومات التي وصلت له على الكمبيوتر عبر مركز الإتصال الذي بلغه بقدوم السياره ويسألك عن أي إضافات أخرى لأن عنده المعلومات كاملة اللي إنت قولتها في التليفون
وبعد كده حتدخل العربيه الورشه وحتتفرج عليها من خلال الزجاج وإنت بتشرب حاجه سخنه أو ساقعه في جو هاديء مكيف أشبه بكوفي شوب على النيل ولكن الفيو على الورشه من خلال الزجاج وسترى سيارتك وهم يقومون بالفحص والصيانه لها
ما أن تفرغ السياره من العمل حينادوا عليك وحتتفضل تدفع في الخزنه وتاخد جواب الخروج وتسلمه للأمن ومع السلامه
لاشك أن قطع الغيار مش رخيصه ولكنها معمره
لاشك أن المصنعيات بالتوكيل غاليه ومبالغ فيها
بالإضافه للضريبه على المبيعات التي تدفعها على قطع الغيار والمصنعيات
لكن مستوى الخدمه تطور عن السابق كثيرا لدى أوتوموتيف
فلقد كنت تذهب للعبور (لم يكن هناك مركز أبورواش) وتقف بالطوابير قبل أن يفتحوا أبوابهم ... يعني كنت بتقضي يوم تاني عندهم وكانوا بيشتغلوا شيفتين صباحي ومسائي حتى الساعه التاسعه مساءا
أما الآن فهم شيفت واحد فقط من الساعه التاسعه (على ماأظن إن لم يكن الثامنه) صباحا حتى الساعه الخامسه مساءا (بيقولولك الرابعه بس بيقبلوا لحد الساعه خمسه)
ده بالنسبه للتوكيل
أما توفر قطع الغيار بمحلات قطع غيار زي الشهابي بدمشق وفاخوري بخلف حديقة بدر
فهي متوفره بالكامل عندهم وبأسعار منافسه وأقل من التوكيل بمراحل
وهناك ورشه لأحمد سمير خلف حديقة بدر بطريق جسر السويس مابيشتغلش غير في فولكس وكل الخليجي والتوكيل بيروحلوا يعني مفيش مشكله
كان هذا ملخص مايحدث الآن بورش صيانة أوتوموتيف عن تجربه شخصيه لما قبل التعديلات ومابعدها
الدنيا بقت لطيفه ظريفه
|