المشاركة الأصلية كتبت بواسطة LADA2107
كلام حضرتك جميل وشكرا جدا
ولكن أنا عندى لاحظت أن الفلتر بيبقى ناشف برغم التانك مفول دى نقطة والنقطة التانية أنى لما بفك الخرطوم ألى جاى من التانك مش بينزل بنزين نهائى ولازم أكارك عشان تسحب أو أسيبها شوية ألاقى فلتر البنزين أتملى بنزين ؟؟؟ أيه رأيك
|
اسف انى اتاخرت عليك
فك الفلتر دة خالص
بالكمبريسور الهواء اضغط فى الماسورة وانت فاتح التانك واتاكد ان الهواء بيوصل بسلاسة الى التانك
اما انك تركب الفلتر بالمقلوب (عكس اتجاة السهم) او انك تغيرة لانى عارف انك مركب الفلتر الروسى ابو 5 جنية (مافيش غيرة فى السوق )
لو لقيت الميكانيكى مركب جوان قبل القاعدة الفبر وجوان بعد القاعدة الفبر بتاعة طلمبة البنزين حاول تغيرهم بجوانات ورق مش لنجريد لان النجريد تخين وعامل مسافة بين البطاح وبين كامة طلمبة البنزين
ولو عاوز العربية دى تشبع بنزين اوى ى ى زود كامة طلمبة البنزين نحاس مسافة اد راس الدبوس وركب وبامر الله ما يتكررش العيب تانى
او بقى لو فعلا الطلمبة دى باظت يبقى الحل الاسهل والعملى تركب طلمبة بنزين كهرباء وتوصلها مع تكة الكونتاكت وتركبها فى حتة معرضة للهواء عشان تبرد كويس وتلغى خرطوم الراجع من الكربراتير الى التانك وبامر الله النتيجة مبهرة
متابع مع حضرتك