السلام عليكم روحت غيرت تيل الفرامل بتاع العربية من اسبوعين والميكانيكي وهو بيغير التيل قالي يا باشا الطنبور اليمين دة فية شرخ و بصيت علية لقيتة في نصة خط رفيع قوي زي الخربوش كدة مش واصل لفوق او تحت في النص خط قد 4 سم كدة رفيع وانا كنت غيرت التيل علشان كان قرب ينتهي علشان محدش يسألني غيرت التيل لية بس دلوقتي بعد ما غيرت التيل العربية اتظبتط فلازم يعني اغير الطنابير بقي علي كدة ولا اية الحل واية احسن نوع في السوق وبحوالي كام وكمان الميكانيكي قالي يا بية الديبرياج عالي قلتلة بمعني اية قالي يعني الديسك والاسطوانة علي وشك مع اني مغيرهم من حوالي سنتين ومش بدوس عليهم غير لما باجي اقف بس وكمان مش حاسس ان الديبرياش مضايقني خالص بصراحة برجاء سرعة الرد علشان انا رايحلة بكرة اعمل اية اغير الطنابير واخلية يوطيلي الديبرياج زي مقالي ولاكدة الاسطوانة تتاكل انا مش عارف من فضل الاعضاء المحترمين
