[gad_fcis]

النهاردة سافرت بالعربية BYD F3 اتوماتيك الساحل ، و ماسك الطريق 140-160 كم /الساعة ، المهم جيت عند بوبات اسكندرية أهدي لقيت العربية بترعش جامد على السلانسيه و الرعشة بتزيد مع التكييف ، كملت ماشي عليها لحد ماوصلت الشاليه و ركنتها و قبل ما أبطل دوست بنزين جامد للاخر من غير غيار و مع نهاية الدوسة لقيت العربية بطلت (مع انها أوتوماتيك) ،

الرعشة كانت بتحصل سواء العربية واخدة غيار أو لأ

أنا كدا كدا كنت رايح أعمل صيانة 20000 كم بكرا، و كنت مبلغ باشمهندس اسامة مبروك بكدا ، لما لقيت العربية عملت كدا كلمته أخبرني إن ممكن يكون فلتر الهوا مسدود و فيه كذا حاجة هو شاكك فيها و مش هيعرف يقول إلعيب فين بالظبط إلا لما أروحله بكرا و نحطها على الجهاز

الغريب اني نزلت أعمل مشوار بالعربية بعد ما ركنتها بساعتين ، لاقتها ماشية ذي الفل ولا كأن فيه حاجة ، أنا بجد مستغرب من اللي حصل