رد: رينو لوجان ولا اوبل فيكترا قديم
الاوبل القديم عربية جميلة طبعا بدون شك لكن للاسف مشكلتها في مصر هي نفس مشكلة الميجان علي سبيل المثال قطع غيار غالية جدا وكمان مش متوفرة
لكن اللوجان باذن الله انت الكسبان من نواحي كتير
اولا مفيش اختلاف كبير لا في المساحة ولا احساس السواقة وصدقني في دي عشان انا مجرب الاتنين
ثانيا قطع غيار اللوجان دلوقت الحمد لله عند ناس كتير وباسعار كويسة جدا اقل من نص سعرها في التوكيل
ثالثا لو حتجيب حاجة كسر زيرو او استعمال خفيف يبقي اكنك جبتها زيرو العربية ماشاء الله عندي من اكتر من سنتين ونص وعامل اكتر من 45000 وكانها لسة جديده الحمد لله فضل من عند ربنا
اهم حاجة تنقي حاجة كويسة وبنا يهدينا ويهديك للي ما فيه الخير
__________________
فى كل شارع فى بلادى صوت الحريه بينادى 
Ashraf Kerima
|