تقرير اضافة بعض الـ اوبشنز فى اللوجان ....
صباح الخير على كل اعضاء المنتدى الجميل وكل عام وانتم بخير
من كام يوم سوقت عربية سيراتو 2010 وحسيت بعدها ان اوبشنز اللوجان ( ZERO ) بالنسبة للسيراتو
كل ما اجيب مارشيدير اسمع صوت تنبيه الحساسات فى السيراتو بتنبهنى بأى حاجة ورا الشنطة والرفارف الخلفية
وكمان صوت الاغانى الـ MP3 الموجودة على فلاشة بتركب على الكاسيت كان تحفة
روحت شايل الكاسيت بتاع اللوجان الاصلى وجبت مكانه كاسيت بايونير 2350 مع USB يعنى بحط اغانى MP3 على الفلاشة واحطها فى الكاسيت وجبت سماعتين بايونير برده 500 وات بيضاوى وركبتهم ورا بس قطعت بسيط فى الصاج
ورحت مركب وحدة رفع للزجاج الامامى
وركبت حساسات ركن خلفية بشاشة مكتوب عليها المسافة المسموحة مع صوت تنبيه
وعملت فرش جلد للارضية والكراسى وطقم دواسات حلو
وفاميه خفيف وستارة خلفية
وطقم فوانيس شبورة زينون
ولمبات ليد ثلجى للفوانيس الامامية ولمبة ليد جامدة للصالون ولمبة ليد برده للشنطة من جوة وايضا لمبة ليد للوحة الارقام الخلفية
بجد بسم الله ماشاء الله فرقت مع اللوجان قوى
بس اللى مزهقنى ان العربية مليانة خبطات وخدوش عايزة تتعمل
ارجو من الاعضاء الافادة فى موضوع السمكرة ضرورى .. وشكرا
__________________
Khaled Sobhy
|