المشاركة الأصلية كتبت بواسطة mek_control
بسم الله الرحمن الرحيم
السلام عليكم يا شباب اتمني تكونوا بالف خير
انا تصفحت الكلام اللي موجود في المنتدي بخصوص الداستر واقدر اقول اني قربت اقتنع بيها خلاص وناوي اشتريها بس فيه شويه حاجات كدا عاوز اسئل عليها
1- هل العربيه تقفيل روماني ؟ هل الموتور روماني ولا فرنساوي ؟
2- استهلام البنزين ؟ في الوضع العادي في السرعه المقننه ( اقصد 3000 rpm) علي الجير 6؟
3-بالنسبه لو صبرت شويه علما موديل 2013 ينزل هلاقي جديد في الصالون ؟
4-النوع 4x4 منها هل اقدر اخليها امامي ولا زي السوبارو 4wheel drive يعني ماشيه 4x4علي طول ؟
5-بالنسبه للكماليات .. ايه المتوفر في التوكيل اقدر اركبه ليها ؟
|
و عليكم السلام و رحمة الله و بركاته :
1- العربية فعلا تقفيل روماني , و الموتور طبعا فرنساوي ..
2- استهلاك البنزين داخل البلد حوالي 10.5 لتر لكل 100 كم و علي الطرق السريعة حوالي 8 لتر في 100 كم و ده من غير تكييف .
3- اعتقد مفيش اي تغيير في الصالون ولا في الكماليات .
4- طبعا حضرتك تقدر تخليها دفع امامي من خلال وضعية 2wd من خلال قرص التحويل , و الدفع الرباعي بيفصل اوتوماتيك بعد 60 كم .
5- مفيش حضرتك اي كماليات اضافية التوكيل يقدر يوفرها , لان سألت ع زينون و مخدع في النص و وحدة رفع مكنش فيه اي حاجة .
و يارب اكون افدت حضرتك و كل سنة وحضرتك بخير