يا جماعه انا حصل معايا مشكله في الكمبيوتر وانا مسافر وقررت اني لازم احول العربيه عاده
وفعلا وديت العربيه عند ميكانيكي معرفه جدا وقولتله اعتبرها عربيتك وحسبته ومعرفش هيكرب ايه ولا ايه المهم تبق كويسه
بعد اسبوع اتصل بيا وقالي تعاله خدها بقت عروسه
فرحت قولت خلاص انتهيت من اعطال الكمبيوتر اخيرا
1: الدواره غريبه مش الي انا متعود عليها
2 : لازم ادوس بنزين مع الدواره ولفتره يا اما العربيه هتبطل
3: حسيت اني راكب 127 مش شاهين
المهم قولت انا اكيد مش متعود عليها
ركنتها تحت البيت والصبح طلعت عملت بيها مشوار وربنا ما يوريك يا معلم
اولا العربيه بتبرجل وبتنتش جامد وكل شويه السرعه تقل
المهم وديت العربيه لميكانيكي جنبي قال الكربراتير مليان بنزين قالي طرمبه البنزين الانجكشن بترمي بنزين بالعبيط لدرجه ان البنوين كان بيوقع وانا ماشي
طب يا عم اعمل ايه دلوقتي قالي لازم تجيب طرمبه بنزين كهربا ياباني بتاعت الماذدا المهم روحت لقيتها بس الماني جبتها ب 200 جنيه وشال الطرمبه الي في التانك وحط بدلها خرطوم ....وركب لطرمبه الجديده قدام عند الكربراتير بعد ما مشيت لقيت نفس الموضوع لسه موجود رجعت قالي استنا الجندسر باظ قولتله نعم هو ركب اسبراتير ايه بالضبط ؟ قالي 128 بصراحه كنت هعمل حاجات كثيره المهم قالي احسن حاجه تجيب اسبلتير الكتروني .....روحت عند الصعيدي وجبت اسبلتير الكتروني تركي ب 450 جنيه
المهم العربيه بقت نوعا ما كويسه
المهم طلعت بالعربيه مشوار لقيت اني اول ما اوصل 80 القي العربيه بتنتش وتتخنق قوي وبعدين تفوق ....وبعدين شويه تتخنق وترجع تاني
رجعت للميكانيكي دبرني يا معلم قالي انت كده عايز تظبط العوامه بتاعت الكربراتير عشان الضغط بتاع الانجكشن كان جامد فا عمل خنقه في العوامه ومبقتش بتحوش بنزين كفايه
بصراحه قولت انا كده كده مش بمشي بنزين قولت اروح اظبت الغاز نشوف
بتوع الغاز بعد ما ظبتو الغاز شالو الكهربا بتاعت طرمبه البنزين واشتغلت غاز ولدي هناك بيدور غاز بدور يدور بنزين مستحيل قال مش مشكله المهم شغاله .
خت العربيه بدور غاز وبتمشي غاز زي الفل اجي اركب طلمبه البنزين يا معلم العربيه تشتغل بنزين ومتشتغلش غاز
قولت ماشي اخليها مانيول مش مشكله
رجعت فصلت الكرمبه واتشغل غاز مش عايزه تشتغل
المهم الخلاصه انا صرفت اكثر من 3500 جنيه
ومش مبسوط مخنوق وعايز ارجع العربيه انجكشن تاني
نصيحه لكل واحد بيفكر يحول عاده
احمد ربنا علي النعمه الي انت فيها