رد: a113
وعليكم السلام
طبعا انت لو معاك تجيب جديد ما تترددش لان الجديد لي زهوتة وطبعا هتريح بالك
اما بالنسبة لسعر المستعمل فانا صراحة معنديش خبرة اوي بس مممكن تدخل علي القسم الخاص بتسعير العربيات في المنتدي اوي اي موقع بيع عربيات
المميزات باختصار انك هتركب عربية فول اوبشن تقريبا من وجهة نظري اديها جيد جدا
العيوب فهي ان عفشتها ناشفة شوية بس مش ضعيفة والحل ببساطة انك هتدي في المطبات (بالراحة خالص) ولو عديت علي نقرة كدة ولا كدة (وما اكترهم في شوارع المحروسة) ولا مكان ماسورة غاز ما تتضيقش من نشوفيت العربية وعلي فكرة العفشة الناشفة ديه ليها ميزة كبيرة جدا وهي ان العربية تعتبر ثابتة علي السرعات العالي مع انها صغيرة وعليا من علي الارض
كمان ان بعض الناس اللي مش عارفة قيمة العربية ديه (واللي في الغالب مش من ملاكها بس بيحب يفتي بالسمع) هيقولك انت ايه اللي خلاك ترمي فلوسك وتجيب عربية صيني بس اوعي تصدقهم.
غير كده اعتقد بتبقي عيوب في حالات فردية ومقدور عليها وعموما العربية انتشرت وقطع غيارها متوافرة.
وقبل كل حاجة صلي استخارة وابعد بقدر الامكان عن القروض وان كان ولا بد فخليه بنك اسلامي
وربنا يوفقك
|