كلنا واحنا سايقين بنتعرض لحاجات مستفزة وخصوصا مع الزحمة وكوسة استخراج الرخص للناس اللي مبتعرفش تسوق اساسا , علشان كدة قولت كل واحد يكتب الحاجات اللي بتستفزة وهو سايق علشان يمكن الناس الرخمة دية تعرف انة غلط وتبطل استفزاز , اولا انا عن نفسي بتضايق جدا من :
1- ان واحد يكون في اليمين وعايز يروح الشمال فيكسر عليك ولما تتضايق يقولك ما انا اديتك اشارة في حين اني انت اساسا ماشي جنبة مش وراة وبتالي مش شايف الاشارة
2 - سواق الميكروباص اللي ماشي وراك وايدة علي الكلاكس ولما تديلوا السكة برضوا ايدة علي الكلاكس علي الرغم ان الشارع بقي فاضي ( حالة نفسية يعني )
3- سواق الميكروباص أو النقل برضوا وانت علي المطب هاريك كلاكسات وبعد ما تخد المطب تلاقية هو في المراية بيخدوا علي مهلة
4- سواق الموتوسيكل اللي واخدها غرز من اليمين والشمال ويحك لك الاكصدام علشان يعدي من قدامك علي الرغم ان المكان ضيق اساسا مش هيعدي نملة
طبعا في حاجات كتير اكيد الاعضاء هيضيفوها
وكل عام وانتم بخير