المشاركة الأصلية كتبت بواسطة tham1010
العربية ماتركس 2001 كورى وفيها ABS
اليوم كنت بمشى العربية كالعادة وكانت العربية راكنه 15 يوم بدون تشغيل. المهم شغلت العربية ودقيقة أو أثنين وبدأت الحركة. مشيت عادى خالص وكله تمام. وجاءت فى شارع فاضى كدة ورحت واخد الثالت وكنت ماشى على الثانى ورحت كابس بنزين علشان العربية تسرع لحد 70 كيلوا وبعد كدةة ببطئ عند قرب نهاية الشارع والدخول على تقاطع. المرة دة مش عملت كدة لقيت عدداد RPM عند 1000 الف او أزيد شوية ولكن اقل من 2000 لفة فى الدقيقة ومها أضغط على دواسة البنزين مفيش أى رد فعل لا فى السرعة ولا فى صوت الماتور يعنى عامل زى ما أكون واقف على السلانسية. والعربية كانت ماشية على سرعة فى حدود 20 كيلوا مهما ضغطت على البنزين. استمر الحال لمدة ثوانى ولما لاحظت الحال دة رحت واخد الثانى تانى وقلت يمكن مش كنت واخد الثالث صح. مشت حوالى 500 متر أو أكثر على الثانى وفجأءة لقيت الحكاية حصلت تانى على النقلة الثانية يعنى عدداد RPM على 1000 او 2000 لفة ومفيش سحب خالص ومها ضغطت بنزين لأخر الدواسة مش بسمع صوت الماتور بيعلى ومفيش سحب خالص عن سرعة 20 كيلوا فى الساعة. المهم كل شوية ادوس بنزين علشان تنطلق مفيش فايدة ووقتها شميت ريحة حاجة بتتحرق مش عارف ايه ركنت فورا ودرست فرامل ولكن حسيت ان الفرامل غريبة زى ما يكون كانت الدواسة نازلة. لاحظت ان الدخان جاى من ناحية العجلة اليمين اللى كان فيها التيل متاكل وفاضل فيه ربعة وكنت ناوى أغيرة بعد العيد. المهم ريحت العربية 10 دقائق وفتحت كبوت لقيت الماية وزرت الفرامل وكله تمام..
أتكت على دواسة الفرامل كذا مرة قلت يمكن تكون قافشة. وبعد العشر دقائق دورت العربية تانى ومشيت واحدة واحدة وكان كل حاجة عادى ولكن أتكررت الحكاية بتاعة RMP الثابت دة مرة واحدة ولمدة ثوانى خلال المشوار وكذلك لاحظت أن الفرامل بقت ضعيفة قوى يعنى أدوس الدواسة للاخر علشان العربية تقف كنت زمان لو ضغت الفرامل نص المشوار العربية تهدىولو ضغت الدواسة للاخر كلها للاخر الركاب تتنطر من على الكرسى للامام وهى قاعدة أما بعد الحركة دى أصبحت اضغط على الفرامل للاخر ويدوبك العربية بتقف. ولكن كذا مرة بعد الحركة دى دست بنزين جامد والعداد كان بيرفع لحد 4000 الاف لفة والسرعة توصل 60 عادى. وعملت كذا مرة طلعة بسرعة وتزويد ووقوف ولقيت كله عادى.
مش عارف ايه اللى حصل ومش عارف احلل الموقف. بعد العيد أكيد هأخدها للميكانيكى ولكن أحب افهم ايه اللى ممكن يكون حصل. أزاى اضغط على دواسة البنزين للاخر وزى ما يكون ماشى على السلانسية بدون إستجابة. والريحة دى والفرامل اللى بقت وحشة جدا أيه ممكن يكون حصل... طمنونى يا جماعة
|
انا شاكك ان ممكن تكون اسطوانة الدبرياج اتكلت و اللة اعلم