المشاركة الأصلية كتبت بواسطة Free
أمبارح أتصلت بفرع الشركة الهندسية في أسكندرية مصطفى كامل وطلع معرض فقط بالنسبة لكوين موتورز أتصلت مرة رد عليا مهندس شاب قالي معندناش غير صيانة سريعة لسيات طيب لو حاجات جامدة قالي أنزل القاهرة طيب حضرتك تنصحنى أجيب السيات قالي لا متجيبش غير عربية ليها توكيل في بلدها وبصراحة قفلت معاه ونفسيتي زفت وبدأت أتخوف من القرطبة مع أنها عربية تحفة وداخلة دماغي جداً ومش عارف أتصرف أزاى ودي شوية آراء سمعتها لما قررت أشتري العربية دي :
1- بلاش بيعها تقيل وهتخسر فيها جامد .
2- بلاش قطع غيار غالية .
3- بلاش مفيش حد بيشتغل فيها .
أنا قولت مفيش غيركم أسأله على العربية دي من حيث قطع الغيار بالنسبة ليا كل العوامل دي مش مهمة الأهم عندي لما أحتاج قطع غيار ألاقيها مش مشكلة السعر طالما معمرة وألاقي ميكانيكي أو مركز صيانة يشتغل فيها الأسئلة اللي محتاج أجابة عنها بسيطة وأهم سؤال عندي هو الأخير :
- رأيكم في العربية بشكل عام ؟ (أجابة مختصرة مش عاوز أتعبكم ) .
- قطع الغيار من حيث توافرها - أسعارها - العمر الأفتراضي ؟
- السؤال الأهم ميكانيكية السيات أو مراكز الخدمة في أسكندرية من حيث الكفاءة وهل لو أحتجت أصلح حاجة جامدة في العربية لو عملت حادثة مثلاً لا قدر الله هضطر أنزل بيها القاهرة ولا تتصلح في أسكندرية ؟
أنا عارف أني بتقل عليكم ptmnlo123per1127 ودة العشم بس أجابتكم دي ممكن تكون الفيصل بين الشراء أو عدم الشراء وعندي ثقة كبيرة في حكمكم وتقديركم .
ملحوظة أخيرة : السيارة قرطبة 2008 خليجي ال 1400 سي سي مانيوال .
|
ال3 اراء اللي حضرتك سمعتهم هرد عليهم الاول
-بيعها تقيل و هتخسر فيها جامد...بيعها تقيل اه شوية لان مش اي حد بيركب الماني اغلب الناس بتركب كوري و ياباني هتخسر فيها جامد لا مش هتخسر جامد سعرها معقول في السوق
قطع غيار غاليه..مش هقولك رخيصة لان حاجتها كلها الماني او اسباني بس ترمي فيها القطعه و تنساها غير انها عربية اعتمادية و معمرة جدا و اثبتت كفاءة منقطعة النظير من سنة 1994
اخر رأي ده اللي قاله تروح تقوله اتعلم عربيات الاول و اسأل و بعد كده اتكلم ليه مفيش حد يشتغل فيها لغز مثلا ولا بوجاتي هي ! عندكم هريسه في اسكندرية ده مشهور جدا و بيشتغل سيات و فولكس بس و عنده جهاز كشف الاعطال و كل حاجة و هنا في القاهرة التوكيل ممتاز و محمد سمير اشهر من النار علي علم والحرفيين مليانة متخصصين فولكس و سيات و برا الحرفيين الميكانيكي بتاعي اولهم بيشتغل في الحديث كله و الميكانيكي القديم برضه كان شغال فيهم و مراكز كتير ايه الكلام الغريب ده مش فاهم !!!! الناس بتكلم بدون اي فهم !
قطع غيارها يا سيدي الفاضل هي حاجة البولو نفس المكنة هي هي و حاجتهم موجودة عندنا كتير و عندكم برضه انزل صلاح الدين و اسأل قبل ما تشتري العربية هتلاقي محلات قطع غيار سيات و فولكس فقط ..
عربية ممتازة ثبات و اداء توفير بنزين اعتمادية محدش اشتكي منها ابدا عيبها بس انها ضيقه من ورا شوية بس برضه بتختلف حسب طول الشخص اللي قاعد
الخليجي اسمع انه مفهوش كاسيت تقريبا.. و غير كده الخليجي التوكيل لا يضمنه يعني لو افترضنا لقدر الله ان العربية حصل فيها حاجة محدش عارف يعملها و ده قليل جدا يعني فا انت تفكر تدخلها التوكيل تيجي تدخلها يقولك لا دي خليجي و التوكيل مش بيضمنها احسنلك تجيب النسخة المصرية و يا سلام لو 1600 تيبترونيك