رد: هل الماروتي تستحمل 100 كم يوميا بدون مشاكل
اولا : بص هي العربية اساسا صغيرة ... بتاعة مشاوير قصيرة ... و ممكن تخرج بيها على الطريق ... بس معرفش هل تستحمل يوميا ولا لأ 100 كلم لأن الموتور بتاعها 800 سي سي
ثانيا : عوامل الامان فيها على قدها حبتين لأنها عربية رخيصة ... و فراملها تستحملها طبعا ... الموتور بتاعها نوعا ما حلو ... الاتزان بتاعها طالما مش بتجري قوي زي ما بتقول يبقى حلو .. اما لو بتجري فمنصحكش لأنها عربية خفيفة قوي .. و مش انسيابية بالنسبة لديناميكية الهواء
ثالثا : معرفش بصراحة ايه نظام قطع الغيار ... بس معتقدش اي مكانيكي هيشتغل فيها لأن حوضها صغير ... يعني كلهم بيشتغلوا فيها بس مالهمش كيف دلوقتي في وجع القلب في العربيات الصغيرة ... ايوة ميكانيكية و بيتنكوا كمان :D
رابعا : في حالة لو نويت الشراء يفضل لو جديدة احسن خصوصا و ان ثمن العربية 38 الف جنيه يعني لو مستعملة مش هتحصل 20 الف ... بس انت ليه متفكرش مثلا في عربيات مستعملة تانية بس حلوة ... عندك ال 131 او الهيونداي الاكسيل او مثلا هتزود 2000 و تجيب هيونداي اكسنت موديل 2000 .. دي عربيات وحوش يعني ... بس الاهم تتأكد ان حالة اي عربية مستعملة سليمة و جيدة و مش فاتحة بقها و تشحططك عند الصنايعية و قرفهم
خامسا : انت مش محتاج بنزين 80 لأنه مش موجود في السوق اساسا :D
|