رد: عاوزين نلاقى حل لبتوع الموتسيكلات والله حرام عليهم؟
حصل معايا في اسكندرية .. موتسيكل صيني كسر عليا على الكورنيس و الظاهر شاربين و حضنوا قدام العربية لدرجة انهم خلوني اركن .. و كنت ممكن الوشهم بالعربية بس صحابي خافوا .. و بعدين نزلوا من على الموتسيكل و قلت ادوس بنزين و اطلع اجري و فوجئت بواحد منهم نط على كبوت العربية و هي النترا جديدة و راح ماسك مساحة العربية من تحت و كان هيكسرها و ركبته علمت في صاج الكبوت .. و اضطريت اقف .. و يادوبك نزلت راح ذاققني في وشي كسرلي النضارة و من غير النضارة مابشوفش .. المهم ال ناس اتدخلت و فضوا الليلة .. و انا عرفت ان اصحابي دوول ***** .. و على فكرة انا كنت ممكن اقطعهم بس عنصر المفاجأة و اصحاب الخيبة و طبعا لما النضارة طارت مابقتش شايف حاجة .. من ساعتها و ال في قلبي على لساني علشان ماندمش على حاجة بعد كده .. لاني بصراحة لو كنت اتصرفت على سجيتي كنت لوشتهم بالعربية كده كنوع من التحذير او كنت نزلت ضربت علطول و خصوصا اني معايا الحق .. ماهو ياما تعمل دماغ و تنش و ماتزعلش ساعتها ياما تنفذ ال في ضميرك و ماتسمعش كلام غيرك لانك انت ال في الاخر ال هتندم مش صحابك
|