مقبل على شراء سيارة byd f3 و شوفت حجتين زعلونى
مساء الخير على احلى شباب فى المنتدى
انا ناوى شراء سيارة مستعملة و كان معايا 40 الف جنية
بس كنت خايف لانى مفهمش اى حاجة فى العربيات ولا بعرف اسوق اساسا
بس كنت هنزل اى مكتب تعليم و يظبطنى
بس والدى قالى اساهم معاك و هات جديد لاننا ابيض يا ورد فى موضوع العربيات دى
المهم - رسينا على byd f3 علشان سعرها و امكانيتها و طبعا متابع النتدى هنا فى شكوى الاعضاء سواء من العربية او من التوكيل فا بصراحة متردد
-----------------
المهم انا شوفت موقفين كدة و بطلب من اصحاب السيارة يأكدولى علية
1 - كان فى تاكسى byd f3 محمل واحد جنبة و 3 فى الكنبة اللى ورا فالعربية كانت هابطة جدا من ورا لدرجة انك تحس ان العربية بتستعد انها هتطير
المشكلة انها هتبقى سيارة عائلية يعنى دايما بتتحرك و هيا محملة على الاقل 4 اشخاص فهل دى مشكلة عامة
رقم 2 - كنت واقف مرة على محطة و كان تاكسى byd f3 راكن فسند علية ما بين باب السواق و الكشاف الامامى لقيت الكابوت بيريح لجوة و لما قمت ترجع تانى و تعمل صوت طقة
فى جار لينا شاريها بس ماليش كلام معاة و هو راكنها فى نقرة فى نفس المكان اللى بتكلم عنى
فأرجوكم سعدونى و خصوصا اصحاب السيارة
شكرا
التعديل الأخير تم بواسطة mhamdy75 ; 30-11-2012 الساعة 04:33 PM
|