استفسار بخصوص صيانه الالنترا 2012 من كل مالكى السياره واصحاب الخبره
السلام عليكم يا أحلي ناس في أحلي منتدي مصري
انا معايا النترا 2012 مانيوال وكيل 
بس للاسف طبعا اقرب مركز صيانه للتوكيل ليا في القردقه يعنى مشوار جامد لذالك قررت انى اعمل الصيانه لنفسي لحد ما الفرع الى عندنا يفتح تانى ( اصل ليه اكتر من سنه بيعملوله اصلاحات ) المهم انا دلوقت معرفش ايه الي بيتعمل في الصيانه لان دى اول سياره امتلكها بيغيروا ايه ! كل قد ايه او ايه الي بيتغير وكل الكلام دا يعنى باختصار معرفش حاجه عن جدول الصيانه لو حد قالهولى ااكون شاكر جدا
انا عملت حتى الان صيانات السياره مع نفسي مع العلم ان العربيه حتى الان عملت 9000 كيلو وكسور
علي ال 1000 كيلو غيرت زيت المتور وغيرت الفلتر بتاع الزيت
وعلى 5000 غيرت زيت بس
وكنت بزود مياه خضرا من فتره للتانيه اما كانت تنقص
وغيرت ضغط هوا العجل لـ 35 بيكسل
غيرت بزيت شيل shell helix hx5 15w-50
والفلتر الاصلي بتاع هيونداى بس للاسف ملقتش له صوره
والميا الخضره الى كنت بزود بيها mobil coolant extra ready mixed 33%
وبرضو للاسف ملقتلهوش صوره
فياريت تقولولى ايه جدول الصيانه الى اتبعه
وهل الحاجات الي بستعملها دى كويسه ولا فيها ضرر ولا متنفعش مع نوع العربيه او ازا كنت اغير حاجه فيهم
مع العلم ان الراجل بتاع الزيت قالى فيه نوع احسن من الشيل والموبيل في الزيت اسمه فالفلين
ودا اللوجو بتاعه
والمياه الخضره قالولى ان احسن حاجا الموبل ودا كان سعره حراق الجركن 4 لتر ب 70 جنيه
دا كلام واحد بتاع ريداتير وفيه حاجا كمان انا حتى الان مربطتش العفشه
فيه ناس بتقولى لازم تربط العفشه وبالاخص العربيه وهيا جديده
وناس تانى كتير تقولى الملاكى مبيربطش عفشه والصنايعي مبيعملش حاجه وهياخد منك الفلوس بس
وناس تانى تقولى العربيه وهيا جديده متخليش حد يلعب فيها لانها بتكون مربطه تربيط المصنع واكيد الصنايعى مش هيعملها زى المصنع
فا كتير الكلام واحترت ومش عارف اعمل ايه
يا رجاله مصر موتورز تنصحونى بايه اعمله وايه جدول الصيانه الى امشي عليه
وشكرا تقبلو تحياتى
واسف للاطاله
__________________
عندما تبدا بالتصرف ضد مصلحتك الشخصيه.... تاكد انك عاااااشق
|