[Hisham.Elgazzar]

المشاركة الأصلية كتبت بواسطة moustafa.peace هشام باشا معلش بعيدا عن التكييف وكده العربية عندى بتاكل بنزين كتير اوى فكنت عاوز اعرف اية السبب

المشاركة الأصلية كتبت بواسطة moustafa.peace وكمان كنت عاوز اعرف تانك ال 131 سعتة كام لتر وعداد البنزين تقسيمتة ازاى وازاى اغيرة واجيب واحد جديد منين عشان عندى مش متضبط

العربية عندى بتاكل بنزين كتير اوى

طيب حسبتها إزاى
واه حالة البوجيهات بعد مشوار طويل لو مهببة يبقى بتاكل
ولو بيضا يبقى ده الإستهلاك الطبيعى بتاعها

من غير مااقولك بقى ظبط ابلاتين وكوندينسر
وأظبط خلوص البوجيهات على 0.5 مللى بالفلر
وأتأكد من نظافة غطا الإسبراتير والشكوش بتاعه
والموبينة والبطارية وشحن الدينامو يكون مظبوط

تانك ال 131 سعتة كام لتر

اللى معايا ميرا فيورى العادية واحد كامة والتانك 55 لتر بالعافية
بفضى التانك للآخر كل تفويلة لحد ما العربية تبطل منى ، وبعدين معايا جركن احط ازارة منه بس لأقرب محطة بنزين (80- 90- 92 - 95 ) كله شغال

فلتر البنزين كل تغيير زيت يعنى على 2000 - 3000 بالكتير

وعداد البنزين تقسيمتة ازاى وازاى اغيرة واجيب واحد جديد منين عشان عندى مش متضبط

الشرطة بعشرة لتر او 12 تقريبا

واللى عندى مش بيثبت غير لما تكون مفول او خلصت بنزين ع الآخر
غير كده بيعلى ويوطى زى الأربى ام

يمكن بيعوض عقدة النقص لأنى معنديش ار بى ام فى التبلوه
لو عاوز تغيره هتروح لأى حد بتاع عدادات وتغيره بواحد إستيراد

بيفك التبلوه ويطلع الباغة الإزاز
وبعدين يفك 6 صواميل صغيرة اوى
وبعدين يطلع البنزين والحرارة
يغير البنزين وبعدين يركب التبلوه تانى عادى


بالنسبة للزيت ، انا بستعمل دلفاك ام اكس 3 ، حطيته مع كانز أبرو