رد: محتار جدا و محتاج النصيحة من الخبراء
صباح الفل يا جدعان
بص يا سيدي السيراتوا عيوبها عفشة ناشفة بتعوم علي 140 ، سحبها رخخخخخخخخخم
والشكل الجديد بتاعها هينزل 2013 واحلي من الشكل القديم 1000 مرة
الانسر البومة عربية حلوة ومفهاش اي مشاكل بس خسارة تتشري زيرو عربية نزلة من 2004
يعني هتركبها زيك زي اللي شاريها من من8 سنين مللللللل وبتعوم برده علي السرعة العالية
نيجي للانترا والفلوانس
الانترا افضل في الوسع والشكل الداخلي ومريييييحة في سواقتها
وسحبها ممتاز جدا
وفيه ميزة كمان قطع غيارها رخيصة
وكمان موجود ليها قطع غيار خارج التوكيل استيراد وجديد
وسعر اعادة البيع حلو
عيبها ارتفعها قليل وجسمها طويل فبتحك شوية
وبرده الثبات مش ممتاز بس افضل من السيراتوا طبعا
الفلونس عربية الامان بتاعها ممممممممتاز جدااااا
بس البيبان بتاعتها الصاج طبقتين يعني لو اتخبط عشان يتسمكر لازم تقطع الصاج التاني اللي داخل الباب
ثباتها حلو ، سحبها مش حلو وبالذات في الاول
قطع غيارها غالية وفي التوكيل فقط لاغير
سعر اعادة البيع مش حلو
من الاخر خليك في الالنترا او الفلونس
بس لو بتفكر في الفلونس اسأل في التوكيل علي اسعار قطع الغيار وشوف مناسبة ليك ولا لا
وطبعا اوعيييييييي تشتري فلونس خليجي عشان الماتور والفتيس مختلفين ومش هتلاقيلها قطع غيار وتصليحها مشكلة
|