[danoora]

المشاركة الأصلية كتبت بواسطة Hisham.Elgazzar لأ ماتظلموش الستات يا جماعه ونقول عليهم انهم بيعرفوا يسوقوا انا رأيى اللى يخلى مراته تركب عربية والرجالة تعاكسها وتغلط فيها يبقى بيظلمها فعلا

لا طبعا عندك حق الراجل الصح اللي يبقى ست سبع رجالة في يعض اللي يركب مراته تاكسي مع راجل غريب و اللا الاحلى كمان لو ظروفهم ماتسمحش بتاكسي تركب ميكروباص وااااو رائع اكتر كده هو صانها فعلا
كل ده عشان الناس المنحرفة قصدي الملايكة اللي بتاعكسها اللي قصده عليهم الاخ الكريم مايزعلوش لان عندهم حق ست و بتسوق ازاي؟؟؟؟؟؟؟؟ طبعا لازم تتعاكس
واحدة زي الوالدة عندنا والدنا اغلب الوقت مسافر مش في مصر المفروض الوالد عندنا عشان يبقى صح على راي الاخ الكريم يحبسها في البيت واحنا معاها ولا توصلنا مدارس و لا دكاترة و لا اي حاجة
والاخ محمد عصام حضرتك ترضى حد يقول ان الرجالة دول بلاوي و زبالة ماشية على الارض؟
انا و الله مارضاها لوالدي و لا لجوزي و لا اخويا
انت لو راضيت تقولها على اهلك من النساء انا مارضهاش
انا مش عارفة ليه اسلوب الحوار كده
ايه مشكلة بعض الرجالة كله الستات دول كذا و كذا كأن الست دي مش امه و لا اخته و لا مراته
و لاحول و لا قوة الا بالله