المشاركة الأصلية كتبت بواسطة ابو دهب
انا مش بتكلم على نفس الفئة انا كنت بقول نسبيا .. على فكرة انا من عشااااق اللوجان بس بماقارنتها بالبيكانتو , البيكانتو احدث و اشيك الصراحة مع اننى مش بحب العربيات الصغيرة بس دى بالذات انا ركبتها مع واحد صحبى كنت مستغرب جدا مالعربية .. شييييييييييييك جداااا , و لو جينا لنفس الفئة ( السعرية و ال سى سى ) ممكن اجبلك صينى خاماته جبارة ( بيريليانس frv و fsv و byd f3 و اسبرانزا m11 و m12 ) انا زهلت لما ركبت العربيات دى بجد  و بالنسبة للزنة اللى فى الدواسات .. ركز شوية فيها و انت تحسها .. انا اعز اصدقائى معاه لوجان للعلم .. اه و بالمرة تكيفها فى الظهر بيقعد من 10 دقائق لربع ساعة على بال متحس بيه .. على عكس مثلا الفيرنا و الانوس .. و انا معاك انهم افضل اختيار فى الفئة دى .. بس للاسف ..موضوع غلو قطع الغيار دة بيقلق الواحد .. تحياتى  |
انتا بتقول ان البيكانتو احسن من اللوجان . ازاي تقارن عربية متوسطة الحجم سيدان بعربية مدمجة هاتشباك عموما المقارنة هترسا على السانديرو والبيكانتو , دلوقتي انتا بتقولي ركز وهتحس بالزنة دلوقتي الزنة هتبقا عيب لو انتا بتحسها في كل الظروف انما لو بتقولي ركز يبقا الزنة دي بسيطة وعموما تكييف اللوجان كويس ودا عن تجربة بس لازم تشحنله فريون كل فترة اما بخصوص غلو قطع الغيار انا هقولك حاجة كل التوكيلات في مصر بتبالغ في اسعار قطع الغيار يعني لو قارنت اسعار قطع غيار اللوجان جوه التوكيل باسعار قطع غيار اللانوس والفيرنا هتلاقي ان الفرق بسيط ومش مؤثر واصلا قطع غيار اللوجان منتشرة بره التوكيل دلوقتي باسعار رخيصة جدا وتقبل تحياتي