موضوع ان البطارية تبوظ كل سنة فى شهر سبعة تحديداً حله انك متركبش العربيه فى شهر سبعة ده خالص وتستنى لحد ما يجى شهر تمانية وتركبها ... لو عطلت فى شهر تمانية يبقى قشطة
معطلتش وفضلت شغالة يبقى انت اكيد معمولك عمل على شهر سبعة
ههههههههههههههههههه
بجد بقى بغض النظر عن موضوع شهر سبعة ده
كون ان البطارية فى استهلاك عربية ملاكى عادية متقعدش معاك غير سنة بالظبط ده ممكن تكون اسبابه حاجة من دول
1- مشاكل فى الكهرباء (دينامو - توصيلات ... )
2- تقصير فى الصيانة الدورية للبطارية (البطاريات السائله)
3- استهلاك كبير فعلاً من العربيه لوجود كماليات كتير وتشغيلها لفترات كبيرة (عربية اجرة مثلاً)
4- استخدام انواع بطاريات مشكوك فى صلاحيتها او تاريخ انتاجها فيستحب المرة الجاية تشترى من مكان تانى وتراجع تاريخ انتاج البطارية المدون عليها
5- وفيه احتمال ان المشكلة فى دائرة الاشعال وبداء الحركة (كونتكت - مارش - موبينة - بوجيهات )
يعنى انت محتاج بصه على الكهرباء فى كل الحالات