و انا رأيي هات الياريس طالما استعملاتك كتير جوه المحافظه
و زي ما انت بتقول علامه تويوتا ليها احساس تاني
اينعم مش عربيه الماني من مرسيدس مثلا لكن تويوتا جوده
و عربيه معمره جدا و اعتماديتها عاليه
يكفي انك حتركب العربيه و حتنسي مكان مقبض فتح الكابود لانك مش حتستعمله بأذن الله
الا في تزويد مياه المساحات فقط!!!!!!!!
دي الحقيقه فعلا العربيه معايا و دخله علي سنتين و بسم الله ما شاء الله لذيذه و مريحه
يكفي انها بتوصلك اي مكان و انت مطمن و دي بالدنيا الصراحه.
و لو حتجيب هات الاتوماتيك علشان ال ABS +EBD مش متوفرين غير في الاتوماتيك
غير كده لو حتجيب فيها اي فئه حتلاقيها مزوده ب 2 اير باج و مرايات كهربائيه و باور كهربائي خفيف جدا و تكييف.
بس الاول بص علي الخامات الداخليه ممكن ما تعجبكش .هيا الصراحه افضل من السيراتو بشويه لكن انا مش من النوع اللي غاوي بلاستيك كتير جوه العربيه و بحب الجلد اكتر رغم ان كل العربيات الجديده بلاستيك
!!!