المشاركة الأصلية كتبت بواسطة ahmed_rahem
انت رحت انهو مركز؟
الاول: التيل لو فى الفرملة مبتصفرش او بتطلع صوت ممكن تستنى علية شوية، لو فية صوت غيرة.
التانى: المساعدين والمقصات وعلبة الدركسيون، نفس الكلام لو فية صوت تزيق او هبد ورزع مع المطبات يبقى تغيرهم - ممكن علبة الدركسيون تتحشى.
الثالث: الكوبلن، انت قايل انة بيطلع صوت يبقى غيرة افضل.
الرابع: الفتيس، فية نتشة او تاخير فى النقل ولا لأ وعلى اساسة تتصرف.
وربنا يباركلك فيها
والسلام ختام
|
السلام عليكم
انا رحت التوكيل اللي عند كارفور كده
التيل انا اصلا مغيره عند الميكانيكي من اسبوع و مغير زيت الفرامل و شغالة تمام
المساعدين و المقصات و الدريكسيون انا مش ملاحظ فيهم عيب ولا الميكانيكي قال حاجة بس هاغير المقصات
الكوبلن هغيره عاجلا ام اجلا
الفتيس لازم يتزق لقدام سنة علي الباركينج و انا بدور الصبح, انا معرفش ان دا عيب حتي كنت فاكرها امان و مش مستاهلة 8 الاف جنيه ولا الف حتي عشان اغيره
ايه رايك كده تمام ولا انت شايف ايه انا معنديش خبرة كتير في العربيات