اصلا لو حضرتك فتحت اى من كبوت الافيو او اللانوس او الاوبترا او اوا او كل ما يخص شيفورلية من السيارات الكورى (اغلبها) ان مكنش كلها
هتلاقى حاجه زى تيكت حديد كدا مدبس فى شاسيه السيارة
مكتوب عليه
دايو موتورز بالانجليزية
وديه شوفتها كتير اووووى فى سيارات الافيو واللنوس والاوبترا وكدا
اللى بيحصل ان مصنع دايو هو اللى بينتج مكونات السيارت اللى احنا بنرركبها ولكن فقط كل اللى بيعملوه انهم بيحطوا عليها من بره فقط علامة الشيفورلية بس من جوه لا يوجد اى كلمه داخل حوض السيارة تمت بصله للشيفورلية مش هتلاقى غير كل ما يدل ان السيارات ديه اجزائها مصنوعه فى شركة دايو
وعموما هى كده كده مش فارقه اذا كان دايو او شيفورلية لان كله تبع جنرال موتورز
وبصراحه مش عارف الناس بتقول على شيفورلية لانوس ليه وحشه مع ان مكوناتها بتيجى من نفس مصنع الدايو نفس المصنع اللى كان بينتج اللانوس لما كانت دايو هو هو نفس المصنع اللى بينتج قطع اللانوس بس الفرق ان فى مصر بيحطوا علامه الشيفورلية و حتى اللى الناس بتقول عليه من خشونة او كدا فده لان العربيه لسه جديده ولسه بتلين بس لو جربت تركب تاكسى شيفورلية لانوس يعنى العربيه عملت كيلو مترات كتيره هتلاتقى ان مفيش اى فرق نهائيا فى الاداء او فى الصوت بينها وبين اللانوس الدايو نهائيا
كل الحكاية بس ان الشيفورلية الملاكى جديده فقط ولسه الاجزاء بتاعتها مالينتش كويس ومازالت اللانوس تتمتع بنفس مستوى الاعتمادية العالية المعروفه بها اللانوس وبدون اى مشاكل نهائيا وفعلا اللانوس من وجهة نظرى افضل سيارة فى فئة سعرها تماما من حيث الاعتمادية وسعر قطع الغيار والصيانه
فلا يوجد سيارة تتفوق عليها فى هذه النقاط نهائيا فى هذه الفئة السعرية او اعلى فى الفئة السعريه
الاعتمادية . الصيانه . اسعار قطع الغيار
و
رمضان كريم