رد: خليك أصيل وقول كلمة حق..دعوة لكل الأعضاء
طب أنا هاقول لكم على أقل عمر بطارية واجهته في حياتي سواء مع سيارات مستعمله او سيارات جديده زيرو
بيجو 305 (أول عربيه أشتريتها) ماغيرتلهاش بطارية نهائي لحد ما بعتها مع أني كنت باستعمل كلورايد العاديه
مازدا 323 ماغيرتلهاش بطارية نهائي طول السنة ونص مع اني كنت شاري العربية مستعمله وأكيد البطارية كانت شغاله فترة قبل كده
127 سوبر فيورا ماغيرتلهاش بطارية نهائي طول السنة والنص إللي فضلت معايا فيها وبرضه كانت مستعمله قبل كده
128 موديل 90 ماغيرتلهاش بطارية نهائي طول فترة السنتين مع إنها كانت مستعمله برضه
نيجي بقى للعربيات ذات التكييف والتكنولوجيا إللي ممكن تكون بتستهلك بطاريات أكتر شوية من العربيات العادية القديمة نوعا ما
"ماتريكس" بصراحة مش افكر إذا كنت غيرتلها بطاريه وللا لأه على أي حال أنا مشيت بيها أكتر من 90 ألف كيلو ولو كنت غيرتلها بطارية مرة في الـ90 ألف كان يبقى شيء عادي ومش مشكلة
"أوكتافيا A4" ودي عربيه إستيراد من ألمانيا وشاريها عامله 90ألف وانهارده 139ألف وماغيرتش بطاريه حتى الأن
"رينو ميجان" (ربنا يسامح إللي صنعها) غيرت في 95 ألف كيلو 4 بطاريات من أجود انواع البطاريات
|