المشاركة الأصلية كتبت بواسطة romancyxp1
ازيكم يا شباب كل سنه وانتم طيبين ورمضان كريم ...
لو سمحتم انا عندي مشكلتين في لانسر كريستاله 1300 س س اوتوماتيك 2000
المشكله الاولي:
النهارده وانا بتحرك بالعربيه كل شيء كان عادي جدا لغايه ما شغلت التكييف ...مشيت شويه لقيت العربيه فصلت في الطريق وكانت حاجه غريبه جدا ... وقفت علي جنب لغايه مجيبها علي ال N ,وشغلتها واتحركت عادي شويه كده 4 او 5 كيلو ووقفت برضه بنفس الموضوع وحصل ييجي 7 مرات الموضوع ده...مع الاعتبار اني مكنتش بعدي ال 40 وبجري عشان البلد كانت زحمه جدا جدا والرطوبه كانت رهيبه...ومع الاعتبار اني لسه جايب بطاريه جديده امبارح ومش عارف هل ليها سبب في الموضوع ده؟؟؟
المشكله التانيه:
بقالي ييجي 4 او 5 شهور لما اجي الشغل العربيه وهيا علي ال P مترضاش تشتغل الّا لما اجيبها علي ال N مش عارف ايه المشكله دي...
شكرا ليكم...
|
أظن يا باشا ان عصاية الفتيس بتنط من غيارها لوحدها - وهى على ال P مبتكونش فى مكانها الصح المزبوط علشان تدور العربيه - حاول وهى على الP انك تحرك العصايه لورا شويه او الجنب وجرب ولو دارت يبقى حضرتك بس محتاج تزبط عصاية الفتيس