[AHMEDCAR]

بسم الله
ايييييييييييييييييييييييي ييييييييييييييييييه

كان يوم مسخره بما للكلمه من معنى

اصلا انا يوم الجمعه بكون مش متظبط فيه قوى لانى بكون سهران الخميس و بصحى على الصلاه على طول

المهم
خلصت صلاه الجمعه و اخدت عزيزه اللذيذه و دخلتها الجراش و هاتك يا غسيل لحد ما البويه اتمسحت من على العربيه

و فجاءه لقيت تليفون من حبيبى سامح رامزى بسالنى هانعمل ايه قولتله و الله كل واحد يجيب الاكل اللى هو عاوزه و يخده معاه قالى دى كده قشطه خالص مالص بالص غالبا الراجل اتخض من كلامى فقرر يجيى بعد الفطار هههه

و بعد غسيل عزيزه اتجهت الى الوحش الروسى اللادا بجد عربيه بنت تيت قعدت اظبط كهرباء و بنزين فيها لمده ساعه علشان تتنيل تمشى عدل و هيه عربيه زوج اختى اساسا و مكسوف اقوله انا هاسيبهالك كده مهببه و اروح افطر و اثناء ما كان طالع عينى فيها

كلمنى الاستاذ نور بيجو و بيقولى الربوه مقفوله قولتله ازاى ياراجل هاتلى المدير بتعها وانا اكلمه و بجد الراجل طلع ذوق جدا جدا و لما كلمته قام فاتحلهم الربوه

بعديها لقيت حبيبى احمد كامل بيكلمنى و يقولى هاتعمل ايه قولتله برضو جيب اكلك معاك احنا هانكون فى منفى يا حبيبى هههههههههههه

و بعديها لقيت حبيب قلبى دكتور عبد السلام بيكلمنى و بيسال ايه النظام و اليوم ماشى ازاى و قد تم الاتفاق على كل شيى و الحمد لله

المهم خلصت الوحش الروسى و بعد يها توجهت الى المطعم للاحضار الطعام لقيت تليفون جميل من حازم بيك خضر بيسالنى اكل ايه قولتله ياباشا خلاص انا اتصرفت ( بجد شكرا يا حزوم للانك افتكرتنى ) الجيش قالك اتصرف و تعامل مع الهدف

و توجهت الى الربوه و لقيت الاحباب كلهم هناك

و طبعا انا مش عاوز اذكر اسماء علشان ما انساش حد و يزعل منى لكن يكفى انى اقول ان اللى شوفتهم كلهم هناك حابيبى كلهم و بجد من احسن الشخصيات اللى قابلتها