المشاركة الأصلية كتبت بواسطة المستشار اشرف فرحات
وسؤال اخير هل فلتر البنزين تسمع منه صوت فى السيارة اثناء غلق الزجاج اصلى انا غيرت قبل كده الفلتر وكنت بسمع صوت زنه بسيطة اعتقدت انها فى الماتور ولما ذهبت الى التوكيل قالى المهندس ان الماتور عشرة على عشرة والصوت ده من طرنمبه البنزين حتى لو ركبت الاصلي هتسمعه لكن والدى معه سيارة لانسر نفس الموديل اوتوماتيك ولا اسمع بها هذا الصوت
اسف انى بتقل عليك فى الاسئلة وكل عام وحضرتك بخير
|
يا باشا لا بتقل و لا حاجة ... و كل عام و حضرتك بخير ...
انا مش بسمع اى صوت لتحضير طرمبة البنزين , و انا غيرت الفلتر اكتر من مرة و مسمعتش اى صوت للطرمبة قبل كدة ....
اعتقد طرمبة حضرتك ممكن يكون فيها حاجة ... لو رحت لهمام .. ابقى خليه يبص عليها
نصيحة من اخ محترم ... متخليش البنزين فى التنك ينزل عن الربع ... علشان ده ممكن يضر طرمبة البنزين على المدى البعيد
و بالتوفيق ان شاء الله ... و ياريت حضرتك تقولنا اخبار الصيانة الى عملتها ايه ... و ايه انطباعك عن التعامل مع همام