[hazem_khidr]

بسم الله الرحمن الرحيم

انا كنت عاوز اعمل موضوع بس كنت مستني الصور علشان يبقي موضوع متكامل و ابيزا مشكورا كتب ملخص باللي حصل

بصراحه المقابله كانت فوق الوصف بسم الله ما شاء الله و اللي ما جاش فاته كتير فعلا
ناس كتير كانت موجوده و الحمد لله اليوم عدي علي خير من غير اي مشاكل .
بدايه وصلت الربوه و لقيت ابيزا و نور و لانسر موجودينptmnlo123per1141 و البوابه مقفوله المهم ركنت العربيه بره زي ما الكل راكن بره و دخلت اسأل العساكر قالوا اصل اللي معاه المفتاح لسه ماجاش(طبعا كله اشتغلات)ptmnlo123per121
و قولتلهم كده وقفتنا غلط و لو حد معدي حياخد العربيات دي كلها مخالفه قالوا ما تقلقوش لان ضباط المرور قاعدين جوا هنا و محدش حيعمل حاجه .
المهم قعدنا و الضابظ شاف العربيات و بيتكلم في اللاسلكي و بيقول للامين علي العربيات فأنا سمعته
و دا الحوار دا بيني و بينه
حازم: دي عربياتنا حضرتك و الكافيتريا مش عاوزين يفتحوا البوابه
الضابط : دول بيشتغلوكم اكيد معاهم المفتاح بس ايه رأيكم نعمل فيهم فصل و هما يفتحوا البوابه
المجموعه كلها واقفه مع الضابط و قولنا له: اوك بس حنعمل ايه؟؟
الضابط : بصوا انا حاخد رخصكم و اقسم بالله ما حعمل لكم حاجه و حرجعها ليكم و بعدين حتشتغلوهم و قولوا انها اتسحبت و حيفتحوا البوابه و بعدين ابقوا خدوا الرخص بتاعتكم ptmnlo123per169
المجموعه :اوك احنا معاك
الضابط: قال انا حنزل و انتوا تيجوا ورايا و انا حبقي مكشر و انتوا تكشروا ما تضحكوش علشان تدخل عليهم
االمهم نزلنا وراه و انا طلعت رخصه العربيه و ابيزا كمان و ايجي فوتو و سومو (مع ان سومو كان من غير عربيه )
والضابط قال: دلوقتي حد فيكم يطلع و يحط الوش الخشب و يتنرفز علشان يصدقوا
قمت واخد بعضي و ابيزا و طلعنا علي الكافيتريا تاني دخلت للضابط مكتبه و انا مكشر و العفاريت بتتنطط في خلقتي
روحت مخبط و فاتح الباب من غير ما يقولي ادخل و دار الحوار دا
حازم: بعد اذنك يا فندم دلوقتي البوابه مقفوله و العربيات واقفه بره و اتاخدنا مخالفات بسبب الركنه دي و العساكر مش عاوزين يفتحوا البوابه و يقولوا المفتاح مع واحد لسه ما جاش!!ptmnlo123per114

ضابط الجيش : يا عسكري فلان روح افتح البوابه و شوف حسام بيه(ضابط الشرطه و صاحبه جدا ) و قوله يرجع للناس الرخص بتاعتها

المهم العسكري نزل معانا و جه للضابط المرور و الضابط قاله لا يمكن مش حرجع الرخص تاني لان دلوقتي نائب المأمور معدي و شاف العربيات و انا حتأذي في الموضوع دا قوله متأسف

العسكري اخد بعضه و مشي و احنا لسه واقفين و الضابط جاب ورق ابيض صغير و كلنا واقفين مكشرين و راسمين الدور اووويptmnlo123per145
و قعد يكتب اي كلام في الورقه كأنه بيكتب وصل سحب الرخصه و قام مدي لكل واحد فينا الرخصه و قالنا اخفوا الرخص دي خالص و ادخلوا الكافيتريا شايلين الورق دا كأن دا الوصل و انا جاي وراكم اهو
اخدنا بعضنا و ماشيين و انا عمال اشوح بأيدي (راسم الدور بقي) و ركبت العربيه و دخلت الربوه و انا بجري كأني متعصب و نازل و انا مكشر تكشيره كأن حد مات هههههههه و لقيت الضابط مدير الكافيتريا واقف و دار الحوار دا
حازم : شكرا يا فندم اهو رخصنا اتسحبت بسبب ركنتنا بره و الضابط قال علشان ما تبقوا تيجوا الربوه و تركنوا عربياتكم بره تاني.
و كل المجموعه داخله ورايا و كل واحد عمال يقول كلام يدل علي انه متعصب و متنرفز و فضلنا واقفين بره.
و ضابط الشرطه جاب عربيته الملاكي و دخلها جوه الباركن
ضابط الجيش: يا عسكري فلان روح قوله يخرج عربيته بره و ماعدش يدخل بالعربيه و ماشوفش وش حد فيهم عندنا هنا
طبعا كان متنرفز جدا و حركه زي دي تبين سلطته راجل الشرطه عن راجل الجيش و مش قادر يعمل حاجهptmnlo123per184
قام ضابط المرور بمنتهي البرود يقول : انا 10 دقايق و ماشي
ضابط الجيش: خد عربيتك و امشي من هنا ptmnlo123per111
ضابط الشرطه:مش حمشي و اعمل اللي انت عاوزه اهي عندك اهي كسرها
ضابط الجيش: امشي من هنا يا حسام ما تخلنيش افطر عليك
الموقف بصراحه بقي كبير و احنا واقفين قولنا خلاص كده حنطرد من الكافيتريا بعد الفصل البايخ دا
بصراحه ضابط الجيش كان متنرفز علي الآخر و رغم كده محدش فينا اتكلم و كلنا فضلنا ساكتين و عايشين الدور
لحد ما ضابط الشرطه طلع فوق و حط ايده علي كتف ضابط الجيش و قاله دا برنامج الكاميرا الخفيه لو عاوز تذيع قول ذيع.ptmnlo123per161
ضابط الجيش بقي بيضحك و شتم الضابط التاني و قاله لو مكناش صايمين كنت حتصرف معاك تصرف تاني و قعد يضحك و كلنا فطسانين علي روحنا من الضحك .
و ضابط الجيش قالنا انتوا كنتوا حتبوظوا صحوبيه 16 سنه باللي عملتوه دا و قعدنا نضحك
و عزمنا عليهم يفطروا معانا بس هما اكلوا لوحدهم و بعد الفطار ضابط المرور جه و اتصور معانا
و كانت فقره لذيذه جدا
طبعا ضاع حوالي ساعه في الفيلم دا مثلا و الساعه وصلت 5 العصر و لقينا بايو جه
كان بقالي يجي سنتين ما شوفتش الراجل الطيب دا ولا باسل ابنه و وقفنا كلنا تحت
و بايو فرجنا علي فواتير الميجان بصراحه حاجه فضيحه والحاجات اللي اتغيرت فيها
من اول البطاريه لحد الفتيسptmnlo123per1106
و في المقابل شوفنا كتاب ضمان الاوكتافيا و الصيانات اللي تمت فيها بصراحه حاجه تفرح
بسم الله ما شاء الله اتغير فيها حاجات عاديه جدا مفيش مقارنه بالميجان نهائي الصراحه.
و قعدنا فوق نكتب الاكل لان الوقت كان خلاص يدوب المغرب حيأذن بعد ساعه الا ربع و ناس كتير مكنتش لسه جات منهم ابو نورا طبعا و اخدنا بعضنا انا و ابيزا روحنا جبنا الاكل
و طبعا ابيزا قعد يجري و الدنيا زجمه و كل واحد عاوز يلحق الفطار لدرجه اني اتعصبت عليهptmnlo123per111
لاني مش عاوز اي مشكله تحصل ايا كانت تافهه لان ممكن اي واحد يكون جاي مخالف او واحد بيعدي الطريق و تبقي العواقب مش لطيفه بالمره
وصلنا كنتاكي و المغرب أذن و احنا لسه بنجيب الاوردرات و رجعنا الربوه علي سته و نص او ازيد شويه.
وصلت لقيت الناس كلها موجوده و مستنيه الاكل و كان فيه ناس خصلت اكل اساسا

بيني و بينكم انا ما عرفتش آكل غير لما سلمت علي الناس اللي اول مره اشوفها زي دكتور عبد السلام و الباشمهندس احمد كامل و الوفد رفيع المستوي اللي كان موجود دا.
و اكلنا الحمد لله و قعدنا و الاستاذ امير وزع الهدايا و بصراحه حاجات جميله جدا و افكارها مبتكره
و استمتعت جدا بالكلام مع الدكتور عبد السلام و احمد كامل و شويه و وصل الباشمهندي سامح رمزي كانت اول مره اشوفه و كنت مبسوط جدا بلقائه .
و بعد كده كلنا قعدنا اتكلمنا
و بايو اتكلم عن تجاربه مع التوكيلات و مفهومه بالنسبه للبيئه المحيطه و ازاي كل واحد يقدر يغير الصوره السلبيه اللي بيشوفها في حياته .
في وسط القعده وصل ايمن بيه عبد الرازق بابتسامته اللطيفه و فضل قاعد معانا شويه حلوين بس مشي بدري مالحقتش اتكلم معاه للأسف .
و بعدين استمرت الجلسه و استأذن الدكتور عبد السلام و الباشمهندس سامح و سيف و ابيزا و نور و اصدقاءه و ناس كتير الصراحه.
و اخدت بعضي اتمشيت علي الكورنيش و اتسحرت عند الشبراوي لوحدي و غادرت القاهره الساعه 2 بالليل و كان الطريق معقول وصلت المحله علي الساعه 3 و ربع الفجر اتسحرت تاني معاهم في البيت و صليت الفجر و نمت
و دي كانت احداث 12 ساعه بالتمام و الكمال و سامحوني انا تعمدت ما اقولش اسامء الموجودين علشان ما انساش حد