المشاركة الأصلية كتبت بواسطة sherifabden
الالنترا فراملها ضعيفة
من سرعة 60 في ثانيتين بس من غير اي بي اس طبعا
عفشتها ناشفة هاتها من غير الجنط 17 لو جبتها 15 او عادي هينعم العفشة وجربها في البومة وركب جنط 17 وشوف العفشة هتبقا ازاي
بتعوم في الملفات وثباتها وحش بعد 140
شوف الموضوع دا
http://www.masrmotors.com/vb/showthread.php?t=93057
الخامات مش وحشة للدرجة وكل العربيات اللي في الفئة دي حالها كده
اما بخصوص السحب البطئ دا سببه تشغيل النظام الموفر الموجود في الالنترا ودا موضوع اتعمل عن الحكاية دي والحل اتكتب في الردود
http://www.masrmotors.com/vb/showthread.php?t=89462
الفانوس اللي بيبعبي بخار مفيش حد شكا من الحكاية دي
بخصوص الحكة في المطبات انا اعترف انه عيب في الالنترا بس المشكلة ان الطرق المصرية الزبالة مبنفعش معاها اي عربية فلو الطرق اتحسنت هتلاقي العيب دا بح
بخصوص استهلاك البنزين فدا عادي في فترة التليين بعد كده بتبقا موفرة وهيا اصلا موفرة في البنزين علشان 6 غيار
بخصوص بقا اللي سمع صوت تكتكة او كان في عيب في علبة الدركسيون دا يتصلح عادي ودي كانت عيوب فردية ومش عامة
حكاية الباور الخفيف دا ميزة ولا عيب بالضبط
دا الناس بتسب وبتلعن في العربيات اللي باورها تقيل وثانيا انهي احسن انك تلف الدركيبون بمنتهى الراحة ولا انك تلف الدركسيون بايديك الاتنين بصعوبة ؟؟؟
بخصوص النور اللي مش عايز يرعش دا واحد كاتب موضوع هنا عن الحكاية دي وطلع مركب 6 زينون في العربية وعايز بعد كده تقولي مش بيرعش
واصلا برضه العيب دا فردي
بخصوص التكيييف انا مرة جربته ودا تلاااااااااااااااااااااجة والله بس شكلك مجربتوش
بخصوص التوكيل السئ اعتقد دا عيب في التوكيل مش في الالنترا كسيارة
بخصوص الكلام عن السيراتو هرد عليه في مشاركة تانية علشان المشاركة اتملت
يتبع ...
|
انت جايب فيديو لفرامل الالنترا و وانا بقولك ان موضوع الفرامل ده انا قريته من ملاكها مش من عندى
حوار الجنط 17 مش دلوقتى شركة كيا شركة عالمية ومحترمة ازاى تجيب عافشة بتاعة جنط 15 وتركب عليها 17 تبقى دى شركة تيييت وبعدين انت بتقولى ركب فى البومة جنط 17 وشوف العفشة عاملة ازاى وانا هقولك عشان الميتسوبيشى يابانى وشركة محترمة مش هتروح تلبس عربية جنط مش بتاعها وبعدين انا لو ركبت فى البومة جنط 17 هبقى انا اللى ركبته مش جاى من المصنع كدا فى فرق كبير بين انك انت اللى تركب جنط وبين انك وبين ان العربية تيجى من المصنع متجنطة 17 وهيا اساسا 15 يعنى العربية جاية معيوبة من المصنع اساسا
وحوار الايكو واحد دخل قال فى نفس الموضوع ان مالوش لازمة ومش بيعمل حاجة
الفانوس اللى بيعبى بخار لاقيت واحد اشتكى منه فى المنتدى والصدفة بعديها باسبوعين شوفتها وانا ماشى فى الشارع ولو كان معايا موبايل كنت صورتها
الطرق فى مصر وحشة بس برضه فى عربيات فى نفس فئة الالنترا ثابتة و فى نفس الوقت عالية واثبتت نفسها فى مصر واولهم البومة
استهلاك البنزين ممكن عشان يكون حوار التليين عندك حق
حكاية الباور الخفيف انت جربته لما سوقت الاكسنت ولاقيت انه رخم وغبى وخطر جدا فده اعتبره عيب فى العربية
بخصوص التكييف برضه كان فيه مالك للعربية بيقول انه فيه فتحات معينة الهواء بيطلع منه ضعيف جدا وقال انه التكييف ضعيف اللى حد ما يعنى لو قارنته بتكيف اليابانى زى الهوندا مثلا هيبقى ضعيف جدا
موضوع التوكيل وجهات نظر انا شايفه انه عيب لانه بيخلى الناس تفكر فيه قبل ما تشترى العربية وممكن ميشتروش العربية عشان حوار التوكيل ده وبرضه عشان خدمة ما بعد البيع فلما تبقى خدمة ما بعد البيع زبالة هتطمن على العربية ازاى بخصوص السيراتو هرد عليك فى مشاركة تانية بليل