شكرا لكم جميعا على ردودكم الجميلة و لو ان انا لسه محتار
لكن اعتقد كده هنستبعد الالنترا علشان موضوع انها واطية و هتحك في المطبات خاصة ان العربية هتكون عائلية مش ليا لوحدي
السيراتو بالنسبة ليا خوفي من 3 حاجات :
1 - الثبات و موضوع انها بتحدف شمال .
2 - العفشة الناشفة .
3 - موضوع السرقة الكتير .
و الحقيقة معرفش الصاج بتاعها عامل ايه بس انا شفت صاج الاكسنت و الالنترا ورق عجلة بوضت وش العربيتين
موضوع الوسع برضه مهم بالنسبة لي يا ترى انهي اوسع صالون البومة و لا صالون السيراتو
اللانسر الشارك معرفش ظروفها بس انا مش بحب شكلها من غير سبويلر و فتحة سقف
كمان بقلق من الاكصدام اللي قدام كانه مش موجود
الكروز انا عارف انها واطية برضه و بتحك فخرجتها من حساباتي