ايكو 2000 هاتش باك
السلام عليكم
كل عام و انتم بخير
ارجو من حضراتكم المساعدة
انا بدور علي سيارة مستعملة في حدود 50 الف و طبعا زي مانتو عارفين مدي صعوبة البحث عن سيارة مستعملة
المهم امامي تويوتا ايكو هاتش باك مو 2000 كاملة اوتوماتيك فابريقة دواخل رشة خارجي و محتاجة سمكرة و دوكو كامل للعربية لكن العربية اساسيتها ممتازة موتورها نفس موتور الكورولا VVT-I 1300cc مطلوب فيها 39000 جنيه ومحتاجة مصروف حوالي 4000 ج بصراحة هي عجباني انها تويوتا و انها ماشاء الله سحبها جميل و عربية ناعمة
بس المشكلة الكل مخوفني من عدم توافر اكسسواراتها .
و انا سألت عليها في توكيل تويوتا بالاسكندرية و كذلك في صلاح الدين و الكل قالي مبينزلهاش قطع غيار
انا محتار عربية كاملة اوتوماتيك و تويوتا و بالسعر ده يعني بسعر اللانوس و الشاهين وفي امكانياتي و العربيات المتاحة الاخري لازم تزود عن ال50 (استرا 2006 -اي 10 2011 )
و في نفس الوقت العربية معرضة انها يحصلها حاجة تحتاج اكسسوارات او قطع غيار و ايضا لما انوي ابيع مين الللي حيشتريها ده صاحبها بقالوا شهرين بيدلل عليها
ارجو منكم مساعدتي في القرار و جزاكم الله خيرا
|